[ Heim ] [ Kompensasjonsfond ] [ Nytt ] [ Strategisk Næringsplan ] [ Informasjon ] [ Nh. Reiselivslag ] [ Kommunane ] [ Lenker ]

Hit Counter

e. 06.10.04

Orientering til søkjar!

Vedr. søknad til Regionrådet om støtte frå kompensasjonsmidlane til næringslivet i Meland, Lindås, Radøy og Austrheim kommunar med bakgrunn i auka arbeidsgjevaravgift frå og med år 2000.

Retningsliner for disposisjon av midlane.
Vedtatt på møte i fondstyret 6. okt. 00.

RAMMEVERK FOR FONDET
- Bruk av kompensasjonsmidlane skal vera brukerforankra og i samsvar med retningsliner fastsett av Kommunal- og regionaldepartementet i skriv av 27.06.00.
- Strategisk næringsplan for Nordhordland og Gulen.
- Vedtekter av 6. okt. 00 for fondstyret.

DEFINISJONAR
Det kan søkjast om støtte til:

Kompetanseutvikling

	tiltak for kartlegging av kompetansebehov i bedrifter
	kompetansehevande tiltak i bedrifter.
	kompetansehevande samarbeidstiltak mellom fleire bedrifter.
	kompetansehevande tiltak initiert av næringsorganisasjon(ar), senterforening(ar) og interkommunale organisasjonar.
	kompetansehevande nettverksbygging mellom bedrifter, mellom næringsliv-offentlege styresmakter-utdanningsinstitusjonar, samt utvikling av kompetansemiljø.

Regional utvikling

	regionale tiltak definert gjennom strategisk næringsplan for Nordhordland og Gulen.
	andre regionale næringsutviklingstiltak.
	fellestiltak som næringskonferanser, messer eller liknande i regionen.

Infrastruktur

	utbygging av nettverk for kommunikasjon, t.d. breibandnett for dataoverføring.
	infrastruktur til næringsområde .

PLASSERING AV FONDSMIDLAR
Kompensasjonsmidlane vert plasserte på høgrentekonto i bank. Rentene vert tillagt fondet. Det oppnevnte fondstyret disponerer midlane ved protokollerte vedtak.
Regionrådet sitt kontor fører rekneskap over disponering av midlane med halvårsrapport til kommunane og Hordaland fylkeskommune. Rapportering til departementet skjer etter retningsliner fastsett av departementet.

SØKNAD OM STØTTE
Desse kan søkja om støtte frå kompensasjonsmidlane:

	registrerte bedrifter i kommunane Meland, Lindås, Radøy og Austrheim, enten som enkeltbedrifter eller ved at fleire bedrifter går saman om ein felles søknad.
	kommunane Meland, Lindås, Radøy og Austrheim for det som gjeld infrastruktur.
	Regionrådet for Nordhordland og Gulen og andre interkommunale organisasjonar.
	næringsorganisasjonar, senterforeningar, o.l. med medlemsbedrifter frå ein eller fleire av kommunane Meland, Lindås, Radøy og Austrheim.

ØKONOMISK STØTTE
Støtte frå kompensasjonsmidlane vil i hovedsak skje som tilskott.

UTBETALING
Tilskottet vert som hovedregel utbetalt når prosjektet er avslutta og det ligg føre revisorattestert dokumentasjon. I einskilde høve kan tilskottet delast opp i fleire utbetalingar over prosjektsperioden.

********************

ADRESSE FOR SØKNADER:

Regionrådet for Nordhordland og Gulen
Postboks 13
5902 ISDALSTØ

Søknader vert behandla fortløpande etter mottak.

Har du spørsmål så ta kontakt med:

Regionrådet for Nordhordland og Gulen

Besøksadresse: Kvassnesvn. 11, Knarvik.

Tlf. 56 35 75 50 Faks 56 35 75 51 E-post: post@nordhordland.net

Me legg ikkje opp til bruk av eit omfattande søknadsskjema, men ser gjerne at du brukar den momentlista som mal for oppsett av søknad.

*******************

SLIK SØKJER DU

Denne momentlista er utarbeidd for å lette skriving og handsaming av søknaden.

Bruk overskriftene i dei einskilde punkta som ein disposisjon for søknaden. Ta gjerne kontakt med oss før du sender søknaden dersom du har spørsmål til sjølve søknaden eller til andre ting knytt til prosjektet.

Dette vil me ha med i søknaden:

1. OPPLYSNINGAR OM SØKJAREN:
- Namn, adresse, kommune, telefon, telefax, e-postadresse.
- Kort utgreiing om bedriften, forretningsidè, etc. Bedrifter legg ved firmaattest.

Dersom det er ein organisasjon som søkjer ber me om ei orientering om organisasjonen og kva bedrifter som eventuelt er inkludert i den konkrete søknaden.

2. EIGARFORHOLD, LEIING, ORGANISASJON, SYSSELSETJING.
- selskapsform, aksjekapital/ansvarleg kapital og fordeling
- styre og dagleg leiar
- tal på tilsette (kvinner, menn)

3. MARKNAD OG KONKURRANSE
- omtale av marknaden, kundegrupper
- konkurrentar, konkurrerande produkt
- satsingsområde, marknadsføringstiltak

SØKNADSPROSJEKTET

- kva er målsetting og innhald i prosjektet. Kor mange ansatte skal auke sin kompetanse?
- kva er status før gjennomføring?
- kva forventar søkjaren å oppnå etter at prosjektet er gjennomført?
- kor lang tid trengs til gjennomføring av prosjektet?

5. KOSTNADER / FINANSIERING

Kapitalbehov (kostnader med prosjektet)	Finansieringsplan
(lag detaljert oppsett der totale kostnader for prosjektet kjem fram)	(ein vanleg finansieringsplan har oftast med: - eigne midlar - eventuelt midlar frå andre kjelder - søknadssum Sum finansiering skal vera lik sum kostnader.)
Sum kostnader	Sum finansiering

6. REKNESKAP/ØKONOMI
- bedrifter og organisasjonar legg ved årsrekneskap for siste år.

7. FRAMTIDIG DRIFT
- bedrifter og organisasjonar legg ved driftsbudsjett for inneverande år (ev. komande år).

**************