[ Heim ] [ Kompensasjonsfond ] [ Nytt ] [ Strategisk Næringsplan ] [ Informasjon ] [ Nh. Reiselivslag ] [ Kommunane ] [ Lenker ]

e. 06.10.04

Føremål
Fondstyret skal forvalte kompensasjonsmidlar frå staten til næringslivet i dei ovennevnte kommunar med bakgrunn i auka arbeidsgjevaravgift frå og med år 2000.

Fondstyret
Fondstyret er oppnemnd og gjeven dei naudsynte fullmakter ved at kommunestyra i dei fire kommunar sluttar seg til forslag frå Regionrådet sitt næringsutval frå møte 5. juli 2000 om regional forvaltning av kompensasjonsmidlane.

Fondstyret er:

Ved forfall frå medlemer i fondstyret vert vararepresentant kalla inn.

Fondstyret konstituerer seg sjølv med val av leiar og nestleiar på første styremøtet etter at vedtektene er godkjent i kommunestyra.

Det vert ikkje gjeve møtegodtgjerdsle for møter i fondstyret, men dokumentert tapt arbeidsforteneste vert honorert på vanleg måte.

Kommunane og næringsorganisasjonane har ansvar for å oppnemna nye representantar og vararepresentantar i fondstyret til erstatning for eventuelle avtroppande representant(ar).

Minst 5 medlemmer må vere til stades, av desse leiar eller nestleiar, for at styret skal vere vedtaksført. Saker vert avgjorde med vanleg fleirtal. Ved likt stemmetal, har leiaren 2 stemmer.

Sekretariatfunksjonar og administrativt ansvar vert lagt til Regionrådet som må sjå til at det vert etablert naudsynte rutiner for sakshandsaming, rekneskap, rapportering og revisjon.

Styret sine vedtak er offentlege.

Bruk av kompensasjonsmidlane
Midlane skal nyttast i samsvar med Stortinget og departementet sine føresetnader. For midlar for 2000 vert det vist til brev frå kommunal- og regionaldepartement av 27.6.00, der det m.a. heiter at midlane skal "…. nyttes til næringsutvikling (infrastruktur. kompetanseutvikling og regional utvikling som ledd i en omstilling til høyere avgift) og holde seg innenfor gjeldende internasjonalt og nasjonalt regelverk. Bruken av midlene skal være brukerforankret og bli benyttet etter samråd med berørte fylkeskommuner (det er for øvrig lagt til grunn at fylkeskommunene i sine regionale utviklingsprogram forholder seg til situasjonen i kommunene). Bruken skal også være forankret i analyser som har avdekket lokale behov og gitt grunnlag for forslag til prioriteringer av aktuelle kompensasjonstiltak."

Bruk av midlar for 2001 og seinare skal vere i samsvar med eventuelle nye vilkår frå Storting og departement.

Vedtak
Fondstyret kan gjere vedtak om bruk av midlar etter søknad og etter eige initiativ.

Plassering av fondsmidlar
Kompensasjonsmidlane vert plasserte på høgrentekonto i bank. Rentene vert tillagt fondet.
Det oppnevnte fondstyret disponerer midlane ved protokollerte vedtak.
Regionrådet sitt kontor fører rekneskap over disponering av midlane med halvårsrapport til kommunane og Hordaland fylkeskommune. Rapportering til departementet skjer etter retningsliner fastsett av departementet.

Oppløysing.
Styret vert oppløyst når det ikkje har/får tilgang til fleire midlar og all naudsynt rapportering er utført.