MØTEPROTOKOLL
REGIONRÅDET FOR NORDHORDLAND OG GULEN
Dato: 17. mars 2000
Møtestad: Nordgardsløa, Frekhaug
Tilstades: Ordførar Olav Steinar Namtvedt, ordførar Rolf
Sandstad, ordførar Solbjørg Åmdal Sandvik, ordførar Helge Haukeland,
ordførar Trude Brosvik, varaordførar Audun Stusdal.
Rådmann Helge Thorsen, rådmann Henrik Flatøy, rådmann Jan
Olav Osen, rådmann Lovisa Midtbø, rådmann Asbjørn Brandtun, rådmann Vidar
Bråthen.
Elles møtte (sak 10): Kjersti Haugland
Frå administrasjonen: Eilif M. Berntsen
Sak 7/00 Framlegg om organisering av likningsforvaltninga.
Høyringsuttale.
Regionrådet for Nordhordland og Gulen ser det som viktig for
innbyggarane i våre kommunar at dei og i framtida har eit tilbod som gjev
tilgang på tenester innan likningsforvaltninga frå sjølvstendig styrte
kontor i eigen kommune.
I arbeidet med ny organisering bør ein vektlegge samarbeid
mellom kontor over kommunegrensene slik at ein får til ei effektiv
ressursutnytting og ein høg fagleg standard. Dette må ikkje medføre at
distrikta mister viktige kompetansearbeidsplassar.
Det må vere rett å vidareutvikle kompetansen og dei faglege
miljøa ved kontora og fullt ut nytte dei høva som IKT gjev med omsyn til
desentralisert oppgåvefordeling.
I den grad det vert bygd opp spesifikk kompetanse ved
einskilde kontor ber ein om at det vert teke distriktspolitiske omsyn ved dei
vala ein gjer ved ei slik funksjonsdeling.
Sak 8/00 Prosjekt "Nordhordland og Gulen - år 2000".
Saka vert teke opp til brei drøfting på regionrådsmøtet 18
og 19 mai.
Administrasjonen vert bede om å utarbeide eit programopplegg
for handsaminga av saka.
Sak 9/00 Revisjon av strategisk næringsplan for Nordhordland og
Gulen.
Regionrådet ber om at det vidare revisjonsarbeidet med den
strategiske næringsplanen vert sett i samanheng med arbeidet med utforminga
av prosjekt "Nordhordland og Gulen - år 2000".
Sak 10/00 Orientering om Nellprosjektet.
Saka vert teke til orientering.
Sak 11/00 Meldingar og eventuelt.
