Hit Counter

e. 06.10.04

MØTEPROTOKOLL

REGIONRÅDET FOR NORDHORDLAND OG GULEN

Dato: 15. september 2000

Møtestad: Kræmmerholmen, Fedje

Tilstades: Ordførar Olav Steinar Namtvedt, ordførar Odd Tøsdal, ordførar Rolf Sandstad, ordførar Vilgerd Storset Husa, ordførar Solbjørg Åmdal Sandvik, ordførar Trude Brosvik, formannskapsmedlem Kari Sørheim.

Rådmann Asbjørn Brandtun, rådmann Vidar Bråthen(sak 31/00).

Frå administrasjonen møtte: Eilif M. Berntsen og Jostein Skråmestø.

I samband med sak 31/00 "Samråd" møtte følgjande representantar/ vararepr. frå fylkestinget: Ottar Tangen, Ingebjørg Skurtveit, Bente Gunn Håtuft og Sveinung Toft.

Sak 26/00 Budsjett for Regionrådet for Nordhordland og Gulen for 2001.

Framlegg til budsjett for 2001 for Regionrådet for Nordhordland og Gulen vert godkjent slik det ligg føre.

Sak 27/00 Om oversyn over interkommunale tiltak og andre forhold knytta til drøftinga av prosjektet "Nordhordland og Gulen år 2000".

Ei arbeidsgruppe, (jfr. sak 12/00) med Vilgerd Storset Husa, Jan Olav Osen og Eilif M. Berntsen som medlemer, får i oppgåve å drøfte med Norsk Gallup gjennomføringa av ei regional spørjeundersøking om lokal identitet og tilknytting.

Meldinga om Interkommunale tiltak vart teke til orientering.

Regionrådet ber administrasjonen utgreie nærare tilhøve i samband med budsjett rutiner, styringsorgan og samlokalisering/fellesfunksjonar.

Sak 28/00 Om revisjon av strategisk næringsplan for Nordhordland og Gulen.

Regionrådet rår til at ein snarast starter opp arbeidet med den strategiske næringsplanen og at ei skisse til gjennomføring - som omfattar organisering, ekstern konsulenthjelp og finansiering vert lagt fram for næringsutvalet, og under føresetnad om felles regional administrasjon av kompensasjonsmidlane, også for fondstyret som skal forvalta desse midlane.

Sak 29/00 Om forprosjekt "Regionalt kontor for felles tenesteyting/sakshandsaming".

Regionrådet ser positivt på gjennomføringa av forprosjektet "Regionalt kontor for felles tenesteyting/sakshandsaming" og ber om at det vert teke kontakt med regionrådet sitt næringsutval og Hordaland fylkeskommune med sikte på å få til ei finansiering av tiltaket.

Sak 30/00 Meldingar og eventuelt.

	Regionrådet ventar å verte orientert nærare i neste rådsmøte om eit mogeleg Nordhordlands-arrangement i Grieghallen i Bergen hausten 2001. Tiltaket vil venteleg verte ei samarbeidstiltak kor m.a. Kystsogevekene får ei aktiv rolle.
	Om forvaltninga av kompensasjonsmidlane for arbeidsgjevaravgifta. Regionrådet rår til at det påtenkte fondsstyret for forvaltninga av midlane snarast kjem saman og starter drøftinga av korleis midlane skal nyttast.
	Administrasjonen vert beden om å førebu ei sak om mogelege krav frå kommunane si side i samband med neste laksekonsesjonsrunde.
	Kystsoneplanen for Hordaland - administrasjonen vert beden om å utarbeide framlegg til uttale til planen i samarbeid med fiskerirettleiaren for Nordhordland.
	Vedk. Vestlandsrøret. Regionrådet ber om at HOG, i si kartlegging av mogeleg gassbrukarar, og tek med deler av Sogn og Fjordane - og i alle høve Gulen kommune.
	Skriv frå Statens Vegvesen vedk. erstatningsferje på sambandet Leirvåg - Sløvåg. Vegkontoret vert oppfordra til å arbeide vidare med saka med sikte på ei snarleg løysing.

Saker teke til orientering:

	Om deltakinga på oljemessa i Stavanger - ONS 2000.
	Desentralisert lærarutdanning.

Sak 31/00 "Samråd" - regionale fylkespolitikarar - Regionrådet.

Saka vert teke til orientering. (Det er utarbeidd eit resymé frå samtalane.)

Neste møte i Regionrådet: fredag 20. oktober 2000. Møtet er lagt til Lyngheisenteret og tek til kl. 10.00.

Olav Steinar Namtvedt

Rådsleiar

Eilif M. Berntsen

Møteboka vert sendt til:

Ordførarane

Rådmennene

Fylkesmannen

Hordaland fylkeskommune; Fylkesrådmannen – Avdeling for regional utvikling

Lokalavisene

NRK Hordaland

TV Hordaland