Hit Counter

e. 06.10.04

MØTEPROTOKOLL

REGIONRÅDET FOR NORDHORDLAND OG GULEN

Dato: 3. november 2000

Møtestad: Lyngheisenteret

Tilstades: Ordførar Olav Steinar Namtvedt, ordførar Odd Tøsdal, ordførar Rolf Sandstad, ordførar Vilgerd Storset Husa, ordførar Trude Brosvik og varaordførar Per Sætre. Rådmann Helge Thorsen.

Frå administrasjonen møtte: Eilif M. Berntsen.

Elles møtte: Ragnhild Randal (sak 33/00) og Lillian Vabø Mongstad

(sak 37/00).

Sak 32/00 Etablering av offisielle adresser for hus, hytter, næringsverksemd og o.l i Nordhordland og Gulen. Inndeling av regionen i adresseområde.

Regionrådet for Nordhordland og Gulen rår til at regionen Nordhordland og Gulen vert eit adresseområde.

Regionrådet registrerer at Høyanger kommune har gjeve samtykke til at den delen av kommunen som ligg på sørsida av Sognefjorden inngår i det same adresseområdet.

Sak 33/00 Nordhordland og Gulen i Bergen - Kystsogevekene 2001.

Regionrådet frå Nordhordland og Gulen viser til orienteringa om tiltaket ved dagleg leiar for Stiftinga Kystsogevekene Ragnhild Randal.

Regionrådet finn tiltaket særs interessant og rår til at arrangementa vert lagt til dagane 14 og 15 september 2001.

Regionrådet ber om at det vert lagt fram ei sak på neste rådsmøte som nærare presiserer rådet si rolle i samband med tiltaket.

Sak 34/00 Strategisk næringsplan for Nordhordland og Gulen - Prosjektplan.

Regionrådet ber om at ein snarast starter opp arbeidet med ein revisjon av den strategiske næringsplanen for Nordhordland og Gulen.

Næringsutvalet, supplert med representantar frå Masfjorden/Gulen, vert styringsgruppe for dette arbeidet.

Sak 35/00 Fylkesdelplan for kystsona i Hordaland - Høyringsforslag - uttale.

Regionrådet for Nordhordland og Gulen slutter seg til administrasjonen sine merknader til Fylkesdelplan for kystsona i Hordaland.

Sak 36/00 Meldingar og eventuelt.

Følgjande saker vart teke til orientering:

	Frå Hordaland Olje og Gassenter: Prosjektplan: Oljevernberedskapen i Hordaland.
	Frå Hordaland Olje og Gassenter: Prosjektplan: Markedsananlyse og transport av naturgass i Hordaland.
	Skriv frå Regionrådet til fylkesutvalet i Hordaland med oppmoding om å plassere MR-maskin nr. 3 i fylket på Diakonissehjemmet Sykehus Haraldsplass.
	Tilbod frå Norsk Gallup om gjennomføring av undersøking om "Nordhordland og Gulen - regionen sin identitet og image".
	Vestnorsk transportkonferanse i Oslo 13. nov. 2000.
	Boston Asset Management ASA - om fondsforvaltning.
	Orienteringar om møter vedkomande breiband/IT i kommunane.

Skriv frå A-laget i Nordhordland om etablering av eit mogeleg gassutval i Nordhordland. Regionrådet vedtok å utsette saka til neste møte.

Om prinsipp for nye oppdrettskonsesjonar for laks og aure 2001 - merknader frå Regionrådet for Nordhordland og Gulen:

Gjennom konsesjonsordninga bør søknader/konsept som er lokalt forankra og som kan gje grunnlag for råstoffleveransar til lokal industri gjevast høg prioritet.

Det bør formast ein konsesjonspolitikk som gjev ein variert og konkurransedyktig struktur i næringa.

Auksjonsprinsippet bør ikkje nyttast ved tildelingane.

Om Lyngheisenteret: Regionrådet ber næringsutvalet vurdere å støtte Lyngheisenteret med ei løyving på inntil kr. 50.000,- for år 2001.

Val:

- Som Regionrådet sitt medlem i Nordhordland Interkommunale Barnevernteam vart valt ordførar Vilgerd Storset Husa. Som varamedlem vart valt ordførar Solbjørg Åmdal Sandvik.

Ordførar Odd Tøsdal vart valt som Regionrådet sitt varamedlem til styret for Lyngheisenteret.

Sak 37/00 Orientering om resultat frå prosjektet "Ungdom og arbeid" ved prosjektleiar Lillian Vabø Mongstad.

Regionrådet rår til at rapporten frå undersøkinga vert nytta som informasjon i samband med revisjon av den strategiske næringsplanen for regionen.

Olav Steinar Namtvedt

Rådsleiar

Eilif M. Berntsen

Møteboka vert sendt til:

Ordførarane

Rådmennene

Fylkesmannen

Hordaland fylkeskommune; Fylkesrådmannen – Avdeling for regional utvikling

Lokalavisene

NRK Hordaland

TV Hordaland