e. 06.10.04

MØTEPROTOKOLL

REGIONRÅDET FOR NORDHORDLAND OG GULEN

Dato: 2. februar 2001

Møtestad: Westland Hotel, Lindås

Tilstades: Ordførar Olav Steinar Namtvedt, ordførar Odd Tøsdal, ordførar Vilgerd Storset Husa, ordførar Rolf Sandstad og ordførar Solbjørg Åmdal Sandvik.

Rådmann Helge Thorsen, rådmann Lovisa Midtbø, kontorsjef Leif Taule og rådmann Henrik Flatøy(sak 6/01).

Frå administrasjonen møtte: Eilif M. Berntsen.

Elles møtte i samband med sak 6/01: rådmann Odd Henry Dahle, Sveio og Helge Bauge, Vestec.

 

 

Sak 1/01 Plan for innføring av offisielle adresser for området frå Nordhordlandsbrua til Sognefjorden.

1. Regionrådet er samd i at etablering av adresseverket for området bør søkjast finansiert som eit "spleiselag" mellom kommunane, næringsliv og andre offentlege instansar og verksemder som vil få stor nytte av tiltaket.

2. Regionrådet vil medverka til å få på plass den tilrådde finansieringsmodellen og vil i første omgang dekkje kostnadene til mogelege ekstern hjelp i samband med dette - inntil kr. 10.000,-.

3. Regionrådet tek resten av tilrådingane i rapporten opp til handsaming saman med handsaminga av resultatet av punkt nr. 2.

 

Uttale frå Regionrådet:

Om arbeidet med Nasjonal transportplan.

Regionrådet har merka seg at særs mykje av midlane til vegbygging i dei neste vegplanperiodane er tenkt nytta i sentrale strok. Rådet vil understreka at det er klårt ønskjeleg at distrikta får meir midlar til vegbygging/trafikksikring enn kva som er skissert så langt i Nasjonal transportplan.

Regionrådet vil be om at følgjande vert lagt til grunn for vedtak om utbygging av stamvegen i regionen:

Regionrådet ser positivt på at vidare utbetring av Ev 39 gjennom Romarheimsdalen vert prioritert i første fireårsperiode.

Regionrådet vil rå til at problema for interntrafikken i Knarvik vert løyst ved at ein snarast gjennomfører bygginga av to nye rundkøyringar på Ev 39.  Deretter må ein gjennomføre bygginga av ein lang tunnel under senteret.

I samband med arbeidet med Nasjonal transportplan vil Regionrådet setje opp følgjande liste for det sekundære rikvegnettet i prioritert rekkefølgje:

                    Rv 565 - parsellane Soltveit - Marås.

Rv 57 - parsellen Åse - Herland inkl. nordre Isdal.

RV 564 - parsellen Mjåtveit - Dalstø

                    Einskilde vegstrekningar på ringvegen gjennom Austrheim.

Dei andre parsellane på rv 565 over Radøy med arm til Manger.

Riksvegløysingar Knarvik - Isdalstø - Alvermarka (rv 57 og rv 565).

 

Om Hordalandsprogrammet.

Regionrådet rår til at det vert ført vidare samtaler mellom representantar frå regionen, Bergen kommune, Hordaland fylkeskommune og Statens vegvesen Hordaland med sikte på å få fram eit sams framlegg til vegutbygging i Bergen-nord/ Nordhordland basert på ein kombinasjon av bompengefinansiering og statlege løyvingar.

Om kollektivtrafikken.

Regionrådet er oppteken av at tilhøve vert lagt godt til rette for kollektivtransporten i regionen.

Knarvik må styrkjast som knutepunkt for kollektivtransporten mot Bergen med høveleg bussterminal og gode parkeringstilhøve.

Trafikksikringa i samband med busstoppa langt mange av riksvegane må betrast ved at det vert bygd ut tenlege busslommer.

Om ferjetrafikken.

Regionrådet gjev si tilslutning til det arbeidet som er starta opp i Sogn og Fjordane med siktemål å få fram eit såkalla Vestlandskort som skal gjere det rimelegare for trafikantane å nytte ferjene som ein lekk i eit samla samferdsletilbod.

Modellen til Vestlandskortet tek utgangspunkt i Atløykortet i Askvoll kommune, ei ordning med fast pris over eit visst tidsrom kor ein kan reise så mykje ein vil. Regionrådet meiner Vestlandskortet kan vere eit steg i riktig retning mot å få til ei semje om at ferjesambanda i Noreg skal vere gratis.

Regionrådet ser det som riktig og naturleg at det vert lagt fram ein naturgassleidning til Nordhordland/Mongstadområdet.

Regionrådet vil rå til at det i samband med ein slik leidning vert etablert ein LNG-terminal i Fensfjordområdet og at ferjer, kystfraktebåtar og supplyskip vert oppfordra til å nytte naturgass som drivstoff.

 

Regionrådet for Nordhordland vel rådmann Asbjørn Brandtun, Radøy, som medlem av referansegruppa som skal vurdere fylkespolitiske retningsliner for etablering av kjøpesentra.

Regionrådet for Nordhordland og Gulen slutter seg til oppgåve- og ansvarsdelinga for festframsyninga i Grieghallen slik dette framgår av skriv frå Stiftinga Kystsogevekene.

Budsjettet for arrangementet vert teke til etterretning.

Regionrådet ber om at oppgåve- og ansvarsdelinga vert sett opp ei skriftleg avtale mellom stiftinga og rådet.

 

Om oljevern.

Uttalen frå Regionrådet i samband med SFT si vurdering av beredskapen mot akutt oljeforureing vert teke til orientering.

Regionrådet ber om at administrasjonen førebur ei sak om korleis ein skal arbeide vidare i regionen med sikte på å få til ei styrking av oljevernet.

Regionrådet ønskjer elles å uttale følgjande om oljevernberedskapen og overvakingssystem:

Regionrådet for Nordhordland og Gulen meiner at det er viktig for oljevernberedskapen på Vestlandet at det vert installert eit permanent radarovervakingssystem som skal gjeve kontinuerleg strauminformasjon og bølgevarsel til trafikksentralen på Fedje. Dette må sjåast i samanheng med at oljevernberedskapen ved innseglinga til Sture og Mongstad må byggjast opp, og tilførast meir ressursar. Det er naturleg at Miljøverndepartementet tek ansvaret for at dette arbeidet vert gjennomført og sett i drift så raskt som mogeleg.

Om song- og musikktradisjonar i kystkulturen.

Regionrådet viser til brev frå Jørgen Øydvin til Komite for kultur og helse i Hordaland fylkeskommune.

Regionrådet vil rå til fylkeskommunen gjennom ei utgreiing får vurdert korleis ein kan ta vare på og utvikle song- og musikktradisjonane i kystkulturen i fylket.

 

Sak 6/01 Seminar om regional utvikling og kommunesamarbeid.

Saka vert teke til orientering.

 

Sak 7/01 Orientering om PPT for Nordhordland ved styreleiar Knut Risnes.

Saka vert teke til orientering.

 

Regionrådet rår til at det vert etablert ei arbeidsgruppe, samansett av ein person frå kvar av dei sju kommunane, til å leie eit forprosjektarbeid med sikte på tilrettelegging av ei breibandutbygging i regionen .

Det er ønskjeleg at kommunane vert representert med anten med ordførar eller rådmann.

Regionrådet rår til at det vert nytta inntil kr. 100.000,- til konsulentbistand i samband med forprosjektet.

 

 

Olav Steinar Namtvedt

Rådsleiar

 

Eilif M. Berntsen

 

 

Møteboka vert sendt til:

Ordførarane

Rådmennene

Fylkesmannen

Hordaland fylkeskommune; Fylkesrådmannen – Avdeling for regional utvikling

Lokalavisene

NRK Hordaland

TV Hordaland