MØTEPROTOKOLL
REGIONRÅDET FOR NORDHORDLAND OG GULEN
Dato: 20. mars 2001
Møtestad: Regionrådet sitt kontor, Knarvik.
Tilstades: Ordførar Olav Steinar Namtvedt, ordførar Odd Tøsdal,
ordførar Vilgerd Storset Husa, ordførar Rolf Sandstad, ordførar
Solbjørg Åmdal Sandvik, ordførar Helge Haukeland og varaordførar
Reidun Høydal.
Rådmann Helge Thorsen, rådmann Lovisa Midtbø, rådmann Henrik
Flatøy og rådmann Ingvard Haug.
Frå administrasjonen møtte: Eilif M. Berntsen.
Elles møtte i samband med sak 8/01: prosjektleiar Kjersti Haugland.
Sak 8/01 Orientering om NELL-prosjekta. Val av medlem til styringsgruppe.
Regionrådet rår til at det i samband med det "nye"
Nellprosjektet vert etablert ei styringsgruppe med slik samansetting:
1 representant frå Regionrådet for Nordhordland og Gulen
1 representant frå Nordhordland Handverk- og Industrilag
1 representant frå dei vidaregåande skulane i regionen
1 representant frå LO i Nordhordland.
Som Regionrådet sin representant i styringsgruppa vert valt ordførar Odd
Tøsdal.
Sak 9/01 Orientering om breibandutbygging i Nordhordland og Gulen.
Rolf Sandstad orienterte om søknaden til KRD om medfinansiering til ei
felles breibandutbygging i regionen.
Kommunane vart oppfordra til å handsame saka før påske og melde inn
vedtaka til Regionrådet sitt kontor.
Sak 10/01 Prosjektskisse: Etablering av berekraftrekneskap, miljøovervaking
og
(mini)ESPON i Bergensregionen.
Saka vert utsett til neste møte.
Sak 11/01 Om finansiering av "Adresseprosjektet".
Regionrådet slutter seg til den skisserte finansieringsplanen for
Adresseprosjektet.
Sak 12/01 Om interkommunale samarbeidstiltak.
Regionrådet vart invitert til å fortsetje vurderingane kring noverande
og framtidige interkommunale samarbeidstiltak.
Her under vart rådet invitert til å drøfte ei sak om utvikling av eit
felles IKT-basert "kommunalt service- og tenestetorg". Regionrådet
gjorde vedtak om å oversende saka om "service og tenestetorg" til
arbeidsgruppa som vart etablert i samband med breiband/IKT - søknadene. Ein
ber gruppa utarbeide eit grunnlag/spesifikasjon for innhenting og vurdering av
tilbod frå mogelege IKT-leverandørar av ei slik teneste. Rådet ber og om at
gruppa legg til rette for ei brei orientering/møte om utnytting av breiband i
samband med kommunal forvaltning og tenesteproduksjon.
Elles på møtet orienterte rådmannen i Lindås kort om IKT-arbeidet i
kommunen.
Drøftingar av andre interkommunale samarbeidstiltak, her under
framtidige ordningar, vart utsett til neste regionrådsmøte.
Sak 13/01 Meldingar og eventuelt.
Følgjande saker vart teke til orientering:
- Skriv frå Miljøverndepartementet vedk. Statens beredskap mot akutt
forurensing.
- Skriv frå Nord-Troms Regionråd.
- Om sjukeheimsplassar i Syden. Orientering om prosjektarbeid i regi av
Regionråd
Bergen og Omland.
Om nasjonal transportplan - Handlingsprogrammet 2002 - 2011: Regionrådet
slutter seg til framlegget frå Vegsjefen om at bompengeinnkrevinga på
Nordhordlandsbrua vert nytta til å finansiere utbygging av dei omtalte
stam- og riksvegane i Nordhordland. Regionrådet voner saka får ei positiv
handsaming i aktuelle fylkeskommunale og statlege organ.
Om Gass-konferansen i Bergen 2001: Aktuelle deltakarar frå kommunane kan
melde frå til Regionrådet sitt kontor dersom ei ønskjer å delta slik at
vi får til ei felles påmelding frå regionen.
Administrasjonen orienterte om at det var aktuelt å utvide rådet sitt
kontorleigeareal i Kvassnesvegen med om lag 50m2 - Regionrådet hadde ikkje
merknader til dette.
- Neste møte er sett til 8. mai 2001. Bergen kommune, ved
byrådsleiaren, er invitert til å delta på dette møtet.
Olav Steinar Namtvedt
Rådsleiar
Eilif M. Berntsen
Møteboka vert sendt til:
Ordførarane, rådmennene
Fylkesmannen
Hordaland fylkeskommune; Fylkesrådmannen – Avdeling for regional utvikling
Lokalavisene, NRK Hordaland, TV Hordaland
