e. 06.10.04

REGIONRÅDET FOR NORDHORDLAND OG GULEN

Dato: 8. mai 2001

Møtestad: Lyngheisenteret, Lygra.

Tilstades: Ordførar Olav Steinar Namtvedt, ordførar Odd Tøsdal, ordførar Vilgerd Storset Husa, ordførar Rolf Sandstad, ordførar Solbjørg Åmdal Sandvik, ordførar Helge Haukeland.

Rådmann Helge Thorsen, rådmann Reidun Halland, rådmann Henrik Flatøy, rådmann Jan Olav Osen og rådmann Ingvard Haug.

Frå administrasjonen møtte: Eilif M. Berntsen.

I samband med sak 20/01 møtte Jone Engelsvold, Opus Bergen AS.

I samband med sak 23/01 møtte byrådsleiar i Bergen; Anne-Grete Strøm-Erichsen, Vidar Totland, Bergen kommune, Geir Bergflødt, Bergens Næringsråd og Harald Queseth, Argument.

- Mons Kvamme og Jostein Vike orienterte om Lyngheisenteret.

 

 

Administrasjonen vert beden om å førebu ei sak til Regionrådet om "kommunesamarbeid og kommunestruktur i Nordhordland og Gulen".

Saka skal danne grunnlag for vedtak om vidare arbeid med eit "forstudie" om struktur og samarbeid. Her vil eit av utgangspunkta kunne vere KRD sin "Analyserettleiar" for vurdering av kommunane sin situasjon og framtidige utfordringar.

 

Regionrådet for Nordhordland og Gulen rår til at det vert etablert ei arbeidsgruppe

som skal hjelpa kommunane i regionen i samband med utarbeiding av overordna og samordna plan for vaksenopplæringa.

Arbeidsgruppa bør vere samansett av ein representant frå kvar av kommunane. Den einskilde kommune oppnemner sjølv sitt medlem.

Arbeidsgruppa konstituerer seg sjølv og vert beden om eventuelt å definere trongen for ekstern sekretariatshjelp.

Arbeidsgruppa kan sjølv etablere referansegruppe(r). Det vert i alle høve rådd til at m.a. følgjande organ vert trekt med i arbeidet med planen: repr. frå Kursregionen i Nordhordland, repr. frå dei vidaregåande skulane og kursarrangørar i regionen, biblioteka, Opplærings-kontoret og NELL.

Mandat:

Regionrådet rår til at arbeidsgruppa, med utgangspunkt i malen som alle kommunar har fått tilsendt frå SU i Hordaland, skal vurdere felles tiltak knyta til informasjons- og kartleggingsrutinar. Vidare skal gruppa sjå om det er aktuelt å ha eit regionalt forum for vaksenopplæring og eventuelt kome med framlegg til arbeidsoppgåver som kan løysast i fellesskap.

 

Regionrådet for Nordhordland og Gulen slutter seg til uttale frå Hordaland fylkesutval om den framtidige organiseringa av oljevernberedskapen i Hordaland.

Regionrådet ønskjer elles å streke under at det er viktig for den samla beredskapen at dei to oljeverndepota høvesvis på Fedje og i Solund ikkje vert lagde ned eller flytta.

Regionrådet ser det som særs viktig at dei tilrådde tiltaka vert gjennomførte og rår til at fylkeskommunen sett ned ei arbeidsgruppe som kan følgje den vidare handsaminga av saka hjå dei sentrale styresmaktene.

Regionrådet ber om å få delta med eit medlem i ei slik gruppe. Regionrådet sin medlemskandidat til arbeidsgruppa vil vere ordførar Vilgerd Storset Husa - med ordførar Olav Steinar Namtvedt som varamedlem.

 

Regionrådet viser til søknad frå Arne Høyland kor i alt 14 kommunar og Hordaland fylkeskommune vert søkt om eit tilskott på kr. 5000,- kvar.

Regionrådet rår til at kvar av dei sju kommunane i Nordhordland/Gulen støtter prosjektet med ei løyving på kr. 3000,- og at det vert søkt det regionale næringsfondet om ei fellesløyving på kr. 14.000,- frå regionen.

Regionrådet vil elles, i samband med budsjetthandsaming, vurdere avsetjinga av midlar til felles regionale kulturtiltak.

Regionrådet godkjenner framlegg til Årsmelding 2000.

Regionrådet godkjenner rekneskapen for år 2000 og slutter seg til framlegget om slik disponering av årets resultat: Avsett til eigenkapital: kr. 85.818,16.

 

Sak 20/01 Orientering om prosjektet "Fellestenesteyting etter Plan- og bygningslova"  v/ Jone Engelsvold, OPUS Bergen AS.

Saka vert teke til orientering.

Sak 21/01 Meldingar og eventuelt.

Regionrådet slutter seg til utkast til forprosjekt for "Felles kommunetorg".

Med utgangspunkt i orienteringane og drøftingane på møtet vil det verte utforma ein felles uttale frå Bergen kommune og Regionrådet for Nordhordland og Gulen.

 

Neste møte i Regionrådet er sett til måndag 18. juni.

 

Olav Steinar Namtvedt

Rådsleiar

 

 

Eilif M. Berntsen

 

 

 

Møteboka vert sendt til:

Ordførarane, rådmennene

Fylkesmannen

Hordaland fylkeskommune; Fylkesrådmannen – Avdeling for regional utvikling

Lokalavisene, NRK Hordaland, TV Hordaland