e. 06.10.04

REGIONRÅDET FOR NORDHORDLAND OG GULEN

Dato: 18. juni 2001

Møtestad: Smiths Pensjonat, Manger.

Tilstades: Ordførar Olav Steinar Namtvedt, ordførar Odd Tøsdal, ordførar Vilgerd Storset Husa, ordførar Rolf Sandstad, ordførar Helge Haukeland, varaordførar Reidun Høydal, varaordførar Per Sætre, rådmann Helge Thorsen og rådmann Ingvard Haug.

Frå administrasjonen møtte: Eilif M. Berntsen.

I samband med sak 32/01 møtte: Kjersti Wiik og Knut Geelmuyden.

 

Mål og strategiar 2001 - 2004.

Regionrådet for Nordhordland og Gulen slutter seg til framlegget til Strategisk næringsplan for Nordhordland og Gulen - Mål og strategiar 2001 - 2004.

Regionrådet sett ned eit arbeidsutval med mandat å utforme føremål og organisering for eit gassutval for Nordhordland og Gulen. Arbeidsutvalet si innstilling bør ligge føre innan utgangen av oktober 2001.

Det vert rådd til at utvalet får 4 medlemer: ordførar Odd Tøsdal, ordførar Rolf Sandstad, 1 repr. frå NHIL og 1 repr. frå LO i Nordhordland.

Regionrådet sin administrasjon er sekretær for utvalet.

Regionrådet sett ned eit arbeidsutval med mandat å utforme føremål og organisering for eit veg - og kommunikasjonsutval for Nordhordland og Gulen. Arbeidsutvalet si innstilling bør ligge føre innan utgangen av oktober 2001.

Det vert rådd til at utvalet får 4 medlemer: ordførar Olav Steinar Namtvedt, ordførar

Vilgerd Storset Husa, rådmann Helge Thorsen og 1 repr. frå NHIL.

Regionrådet sin administrasjon er sekretær for utvalet.

Regionrådet ber administrasjonen om å gjere følgjande endringar i det framlagde budsjett: På innteksida vert Refusjonar frå komp.fondet auka med kr. 50.000,-, medan kostnadssida vert redusert med kr. 40.000,-.

Det justerte budsjettet vert sendt ut på høyring til kommunane med uttalefrist

1. oktober 2001.

Regionrådet vel dei tilrådde representantane frå høvesvis NHIL og LO i Nordhordland som medlemer/varamedlemer til Det regionale næringsutvalet.

Valet gjeld for resten av den funksjonstida som er sett i vedtektene for utvalet.

Regionrådet rår til at det vert starta opp eit prosjekt som skal kunne gjennomføre tiltak, koordinerer eller leggje føringar for utviklinga av det interkommunale samarbeidet i Nordhordland og Gulen.

Det vert tilrådd at dei sju kommunane i rådet vert representert med eit medlem kvar i arbeidsgruppa for forprosjektet. Kommunane vert oppfordra til å la seg representere anten med ein ordførar eller ein rådmann.

Arbeidsgruppa vert bede om å utforme prosjektplanen for tiltaket, her under å synleggjere dei økonomiske ressursane som er naudsynte, samt peike på avgrensingar til andre samarbeidstiltak og delprosjekt.

Framlegg til prosjektplan må leggjast fram for Regionrådet snarast mogeleg over sommaren.

Regionrådet viser til notat frå revisjonssjefen og ønskjer han velkomen til å halde ei orientering på neste rådsmøte.

Følgjande saker vart teke til orientering:

Om prosjektet "Felles tenesteyting etter plan- og bygningslova".

Om festframsyninga i Grieghallen.

Geodataplan - Årsrapport 2000.

Notat om vegutbygging i Nordhordland.

Invitasjon til kommunane om kjøp av billetter til arrangementet i Grieghallen i september.

Andre saker:

Vedk. driftssituasjonen for Diakonissehjemmets sykehus, Haraldsplass. Administrasjonen vert beden om å utforme ei uttale om den økonomiske situasjonen ved sjukehuset.

Tilbod om presentasjon av Aon Grieg - forsikringsmekling. Selskapet vert invitert til å halde ei orientering på neste regionrådsmøte.

Svar frå departementet om støtte til breibandprosjekt. Styringsgruppa for prosjektet vert kalla inn til møte 28. juni. Det er særleg viktig å få drøfta sekretariatsfunksjonen og fagleg bistand til prosjektet.

Fellesuttale; Felles utfordringar for Nordhordland & Gulen og Bergen. Saka vart teke til orientering - samstundes som ein ber administrasjonen om å førebu ei sak vedk. utsleppa frå Sellafield.

Om midlar til utarbeiding av felles avslutningssekvens for arrangementet i Grieghallen. Administrasjonen vert beden om å vurdere om det finst dekning for tiltaket innafor allereie løyvde midlar til arrangementet.

Om interkommunal legevaktordning. Regionrådet ber kommunane om å gjere vedtak om å forlenge noverande prøveordning med 3 månader.

 

Saka vert teke til orientering.

Neste møte i Regionrådet er sett til fredag 7. september.

(Fylkeskommunen inviterer til felles drøftingsmøte med regionen 9. november 2001 om Regionalt utviklingsprogram for Hordaland 2002.)

 

Olav Steinar Namtvedt

Rådsleiar

Eilif M. Berntsen

 

Møteboka vert sendt til:

Ordførarane, rådmennene

Fylkesmannen

Hordaland fylkeskommune; Fylkesrådmannen – Avdeling for regional utvikling

Lokalavisene, NRK Hordaland, TV Hordaland