|
MØTEPROTOKOLL
REGIONRÅDET FOR NORDHORDLAND OG GULEN
Dato: 18. oktober
Møtestad: Regionrådet sitt kontor, Knarvik.
Tilstades: Ordførar Olav Steinar Namtvedt, ordførar Rolf Sandstad,
ordførar Helge Haukeland, ordførar Solbjørg Åmdal Sandvik, ordførar Odd
Tøsdal og ordførar Vilgerd Storset Husa.
Distriktsarbeidssjef Gerd Søreide møtte i samband med sak 30/02 og
Jostein Skråmestø orienterte om "Breibandprosjektet - sak 31/02.
Frå administrasjonen møtte: Eilif M. Berntsen.
Sak 27/02 Organisasjonsform for Regionrådet for Nordhordland og Gulen.
Regionrådet for Nordhordland og Gulen rår til at rådet vert organisert som
eit
IKS, med namnet Nordhordland og Gulen IKS, og at utkastet til
selskapsavtale vert sendt på høyring i kommunane med uttalefrist 20.
desember 2002.
Regionrådet rår og til at legevakta i regionen vert organisert som eit
IKS og at ei sak om dette vert sendt til uttale i kommunane med uttalefrist
20. desember 2002.
Sak 28/02 Budsjett for 2003 for Regionrådet for Nordhordland og Gulen.
Framlegg til budsjett for 2003 for Regionrådet for Nordhordland og Gulen
vert godkjent slik det ligg føre.
Sak 29/02 Orientering om nytt statleg mattilsyn.
Regionrådet slutter seg til uttalen frå Lindås kommune, Helse- og
sosialkomiteen til organisering av nytt mattilsyn - høvesvis om:
1) Økonomiske forhold vedk. overføring av ansvar frå kommunane til staten
ved oppretting av mattilsynet (høringsnotat 3) -
2) Tilsynets rammar og innhald (høyringsnotat 4).
Regionrådet ber om at det vert etablert eit lokalt statleg mattilsyn på
Lindås basert på noverande næringsmiddeltilsyn.
Regionrådet rår til at laboratoriefunksjonen ved Næringsmiddeltilsynet
held fram og ber styret utarbeide framlegg til ny organisasjonsform for
laboratoriet. Regionrådet vil støtte ein søknad frå styret om finansiering
av ei utgreiing om ny selskapsform.
Sak 30/02 Orientering om arbeidsmarknadstiltak og om Aetat Knarvik
v/ distriktsarbeidssjef Gerd Søreide.
Saka vert teke til orientering.
Sak 31/02 Meldingar og eventuelt.
Fylkesbudsjettet og konsekvensar for Nordhordland og Gulen.
Regionrådet drøfta særskilt mogelege konsekvensar for skulane i
Nordhordland som resultat av framlegget til fylkeskommunalt budsjett.
Regionrådet viser til tilsegna i "Fondstyret" til finansiering av
utgreiingar knyta til Austreim vidaregåande skule og til Manger
Folkehøgskule. Regionrådet rår til at det vert etablert to referansegruppe i
samband med utgreiingane med følgjande medlemer:
Vedk. ASV: vertskommune: ordførar Rolf Sandstad, Regionrådet:
ordførar Helge Haukeland - varamedlem Trude Brosvik, lokalt næringsliv:
Solveig Lerøy, AVS: Magnus Kvingedal.
Vedk. Manger Folkehøgskule: vertskommune: ordførar Olav Steinar
Namtvedt, Manger Folkehøgskule: rektor Gareth Jones, representant frå
Norges Musikkorps Forbund.
Statsbudsjettet og løyvingar til vegføremål i regionen.
Regionrådet, ved Kommunikasjonsutvalet, vil invitere Vegsjefen, Hordaland
fylkeskommune og Bergen kommune til ei drøfting omkring ei snarleg
finansiering av Eikåstunnelen.
Invitasjon til fellesmøte med Regionrådet Bergen og Omland.
Regionrådet takker ja til invitasjonen frå Regionrådet Bergen og Omland
om eit fellesmøte i månadsskiftet januar/februar 2003.
Om utviklinga i "Breiandprosjektet".
Saka vert teke til orientering.
Lyngheisenteret og statsbudsjettet - orientering ved Odd Tøsdal.
Regionrådet oppfordrar sine medlemer om å ta kontakt med aktuelle
stortingsrepresentantar med sikte på å få auka dei statlege løyvingane til
Lyngheisenteret.
Neste regionrådsmøte: fredag 13. desember.
Olav Steinar Namtvedt
Rådsleiar
Eilif M. Berntsen
Møteboka vert sendt til:
Ordførarane og rådmennene
Fylkesmannen
Hordaland fylkeskommune; Fylkesrådmannen – Avdeling for regional utvikling
Lokalavisene, NRK Hordaland, TV Hordaland
| 
