e. 06.10.04

Regionrådet Nordhordland IKS

Møtedag 19. desember 2003

Stad: Alver Hotel

Tilstades: Olav Steinar Namtvedt, Ole Lysø, Tove Brandvik, Håkon Matre, Solbjørg Åmdal Sandvik og Erling Walderhaug. Frå administrasjonen: Eilif M. Berntsen

(P.s: I protokollen og i ulike skriv vil vi frå og med 19. desember 2003 i hovedsak nytte omgrepet Regionrådet i staden for styret - jamfør vedtak i sak 7/03.)

Sak 4/03 Om næringsutvalet og regionale næringsfond.

Vedtak:

Næringsutvalet held fram som tidlegare med eit særskilt ansvar for det regionale næringsretta arbeidet.

Organiseringa av næringsutvalet vert og som tidlegare:

3 medlemer frå Regionrådet

2 medlemer frå arbeidstakarane

2 medlemer frå arbeidsgjevarane

Medlemene vert valt av styret i Nordhordland IKS for 4 år om gongen. Forslag til kandidater vert innhenta frå LO i Nordhordland og Nordhordland Handverk- og Industrilag.

Styreleiar i Nordhordland IKS er leiar i utvalet.

Medlemene i utvalet som er tilrådd av høvesvis LO i Nordhordland og Nordhordland Handverk- og Industrilag held fram i sine verv. Når det gjeld representantar frå Nordhordland IKS vert det vist til vedtak i styresak 2/03.

Godtgjersle: Leiar for næringsutvalet får ei godtgjersle på kr. 5000 pr. år.

Andre medlemer av utvalet får ei møtegodtgjersle på kr. 500,- per møte. Medlemene kan få dekka tapt arbeidsinntekt og køyregodtgjersle etter same reglar som gjeld for representantskapet/styret.

Administrasjonen førebur ei sak for styret som legg retningsliner for arbeidet i næringsutvalet og for bruken av det regionale næringsfondet og for næringsfondsmidlane frå fylkeskommunen. Saka må sjåast i samanheng med tiltaket i SNP om "Vurdering av det regionale næringsutviklingsarbeidet" og presenterast som ei fellessak knyta til arbeidet med næringsutvikling i regionen.

Saksframlegget bør drøftast i næringsutvalet før det vert lagt fram for styret.

Sak 5/03 Om organiseringa av UNG-prosjektet og Breibandprosjektet.

Vedtak:

Etter nyval og omorganisering av Regionrådet får styringsgruppa for UNG-prosjektet får slik samansetting:

Regionrådet - Nordhordland IKS, ordførar Trude Brosvik, Gulen kommune og Einar Gilberg, Hordaland fylkeskommune.

Håkon Matre vert leiar for styringsgruppa.

Helge Haukeland held fram som prosjektansvarleg for tiltaket.

Styringsgruppa for Breibandprosjektet får slik samansetting:

Regionrådet - Nordhordland IKS, Øyvind Dahl, Hordaland fylkeskommune, Jostein Saakvitne, Høgskolen i Bergen, Rune Fanebust, NHIL og Arvid Sulen, NHIL.

Håkon Matre vert leiar for styringsgruppa.

Rolf Sandstad held fram som prosjektansvarleg for tiltaket.

Sak 6/03 Søknad frå Kystsogevekene om administrasjonssamarbeid.

Vedtak:

Regionrådet - Nordhordland IKS ser positivt på eit administrativt samarbeid med Stiftinga Kystsogevekene i 2004 slik det er skissert i søknaden frå stiftinga.

Administrasjonen for Nordhordland IKS får fullmakt til å inngå avtale med Stiftinga om tiltaket.

Sak 7/03 Meldingssaker og eventuelt

Vedtak:

Følgjande saker vart teke til orientering:

Administrasjonen får i oppgåve å utarbeide eit notat med omtale av noverande organisering og gjeremål for Nordhordland IKS.

 

Styret for Nordhordland IKS ønskjer å nytte omgrepet

"Regionrådet - Nordhordland IKS" som nemning når styret uttaler seg eller handler i politisk samanheng.

Regionrådet vil rå til overfor Bergen og Omland Havnevesen at Olav Steinar Namtvedt vært valt til ordførar i Havnerådet. Styret endrar samstundes si tilråding frå førre møte -såleis at Tove Brandvik vert tilrådd valt til varamedlem i styret i staden for Olav Steinar Namtvedt.

Regionrådet sender slik tilråding til Bergen og Omland Havnevesen:

Regionrådet - Nordhordland IKS rår til at Nordhordland vert representert i styret for Bergen og Omland Havnevesen med ordførar Ole Lysø, Austrheim, som medlem og ordførar Tove Brandvik, Lindås, som varamedlem. Regionrådet rår vidare til at ordførar Olav Steinar Namtvedt, Radøy, vert valt til ordførar i Havnerådet.

 

Regional utviklingsplan. Uttalefristen for kommunane vert utsett til 1. april 2004.

Om trafikkstasjonen i Knarvik:

Etter tilråding frå Regionrådet i møtet 19. desember 2003 har rådsleiar og administrasjonen utforma følgjande uttale til Statens Vegvesen:

Regionrådet - Nordhordland IKS er kjent med at eit utval i Statens vegvesen Region vest tilrår at Nordhordland trafikkstasjon (Knarvik) vert lagt ned.

Regionrådet ber om at denne tilrådinga ikkje vert fylgt opp.

Regionrådet vil peike på at trafikkstasjonen i Knarvik har ei særs god geografisk lokalisering og avlastar stasjonen i Fyllingsdalen for ei rad gjeremål for einskild kundar, og funksjonar for Bergen nord, Osterøy, Nordhordland og sørvestre deler av Sogn. I høvet til busettingmønsteret i Bergensområdet, og ikkje minst relasjon til trafikksituasjonen i området, er det både gunstig og rett å ha ein stasjon i Bergen sør og ein i nord(Knarvik).

Så langt vi kjenner til så er Nordhordland trafikkstasjon veldriven og har eit godt arbeidsmiljø.

Stasjonen er fysisk plassert ved E-39 og rår over gode lokaler og uteareal. Alt ligg såleis til rette for at drifta av stasjonen held fram - både som eit regionalt servicetilbod men også gjennom at Vegvesenet syner vilje til å nytte stasjonen i samband med spesialiseringa innan etaten. Ved å leggje nye oppgåver til Nordhordland trafikkstasjon vil Vegvesenet skape eit godt grunnlag for fortsett drift i Knarvik.

 

 

 

Neste møte i Regionrådet er sett til 9. februar 2004.

Nordhordland IKS

Håkon Matre

rådsleiar

Eilif M. Berntsen

Møteboka vert sendt til:

Ordførarane og rådmennene

Fylkesmannen

Hordaland fylkeskommune; Fylkesrådmannen – Arb.lag: Kommunalt samarbeid

Lokalavisene, BT, NRK Hordaland, TV Hordaland