e. 06.10.04

MØTEPROTOKOLL

REGIONRÅDET FOR NORDHORDLAND OG GULEN

Dato: 23. mars 1998.

Møtestad: Smiths Pensjonat, Manger

Tilstades: Ordførar Ole Lysø, ordførar Olav Steinar Namtvedt, ordførar Arne I. Sakstad, ordførar Kjell Løvik, ordførar Vilgerd Storset Husa og ordførar Atle Kålås(sak 12/98),
Frå administrasjonen møtte: Eilif M. Berntsen.
Desse deltok ved handsaminga av sak 12/98:
Rådmann Asbjørn Brandtun, rådmann Henrik Flatøy, rådmann Lovisa Midtbø, rådmann Jan Olav Osen, rådmann Helge Thorsen, plansjef Roald Bjørndal, teknisk sjef Arne Aven, teknisk sjef Einar Borgund, teknisk sjef Jens Bjordal, bygningssjef Lars J. Haukås, konsulent Sveinung Toft.
I tillegg møtte: Tore Jensen, Opus, Torbjørn Trageton og Alf Sognefest, Norkart.

Sak 8/98 Konstituering.

Ordførar Ole Lysø og ordførar Ola Byrknes vart attvalt som høvesvis leiar og nestleiar for Regionrådet.

Sak 9/98 Om utviklinga av hummernæringa. Uttale.

Regionrådet for Nordhordland og Gulen er kjent med at ein i fleire år har arbeidd med å få fram ein effektiv og kommersielt lønsam produksjon av hummaryngel.
Såleis er ein i ferd med å skape grunnlag for noko som kan verte ei ny og interessant næring for store deler av kyst-Noreg. Skal ein lukkast med dette er det likevel ikkje nok berre å utvikle den landbaserte teknologien knytta til yngelproduksjonen. Det må og organserast ordningar for utsetting og gjenfangst som er basert på grundig kunnskap om biologi og adferd knytta til hummaren og til fangstmetoder. I tillegg, og ikkje minst, må dei juridiske tilhøva kring havbeite av hummar avklårast.

Regionrådet for Nordhordland og Gulen ber om at Fiskeridepartementet gjer sitt til at dei ulike organisatoriske og juridiske tilhøva omkring ei vidare utvikling av hummarnæringa kan finne si løysing snarast, og såleis bidra til at dette verkeleg kan verte eit nytt sastsingsområde for kystbefolkningen.

Sak 10/98 Regional komite for Kulturformidlinga Håkon den Gode.

Regionrådet rår til at dei sju kommune i regionen vert representerte i komiteen med eit medlem kvar. Prosjektleiar Ragnhild Randal tek kontakt med ordførarane for å finne fram til medlemer frå dei einskilde kommunane.

Sak 11/98 Meldingar og eventuelt.

- Regional kulturkoordinator - skriv frå Reiselivlaget.
Reiselivslaget vert bede om, i samarbeid med Regionrådet sin administrasjon, å ta saka opp med kommunane.
- Følgjande saker vart teke til orientering:
- Om utnytting av røyrleidningstraséen mellom Øygarden og Mongstad - skriv frå Statoil
- "Statsetatane møter kommunane i 1998" - skriv frå fylkesmannen.
- Spesiallegesentra, vedtak i fylkeskommunen sin komite for Kultur og helse.
- Møte med avdelingane hjå Fylkesmannen i Hordaland; aktuelt tidspunkt er neste regionrådsmøte.
- Skriv frå Folkeuniversitetet - Hordaland vert sendt ut saman med protokollen.

Sak 12/98 Orientering om tiltak 6.1. "Samarbeid om ei effektiv og einsarta forvaltning av plan- og bygningslova."

Saka vart teke til orientering. Møtelyden gav likevel uttrykk for at av dei tre aktuelle modellane for utprøving i prosjektet av ei felles tenesteyting, så verka modell 1. "Nettverk av kompetansepersonell" å vere den mest relevante for regionen.

Sak 13/98 Vedk. tverretatleg utviklingsprosjekt i samband med etableringa av BUP i Nordhordland.

Regionrådet for Nordhordland og Gulen viser til søknad til Hordaland fylkeskommune om midlar til utviklingsprosjekt i Nordhordland i samband med etablering av barne- og ungdomspsykiatrisk poliklinikk i regionen. Regionrådet finn prosjektet særs relevant og vil sjå det som interessant å fungere som referansegruppe for tiltaket.

Ole Lysø
formann

Eilif M. Berntsen