MØTEPROTOKOLL

REGIONRÅDET FOR NORDHORDLAND OG GULEN

Dato/stad: 12. April 1999 - Frekhaug.

Tilstades: Ordførar Ole Lysø, ordførar Ola Byrknes, ordførar Olav Steinar Namtvedt og ordførar Arne I. Sakstad, ordførar Atle Kålås, ordførar Kjell Løvik og ordførar Vilgerd Stortset Husa

frå administrasjonen: Eilif M. Berntsen

Regionrådet godkjenner framlegg til Årsmelding for 1998.

Sak 12/99 Framlegg til Rekneskap for Regionrådet for Nordhordland og Gulen 1998.

Regionrådet godkjenner framlegg til rekneskap for 1998, her under slik disponering av årets resultat: disposisjon for Regionrådet: kr. 25.000,-

- avsett til eigenkapital: kr. 85.495,96.

Regionrådet ser positivt på at det vert arbeidd vidare med planene om å få etablert ein «næringshage» i Nordhordland. Ein ber om at administrasjonen følger opp saka.

Ein «næringshage» i Nordhordland bør lokaliserast til Mongstadområdet.

Regionrådet for Nordhordland og Gulen ser positivt på dei initiativ som er komne frå departementet, frå fylkesmannen og frå dei kommunale sosialleiarane med siktemål å auke kompetansen i sosialtenesta si førsteline i kommunane.

Tiltaket er knytta til tre element:

- opplæringstilbod - som vil verte gjennomført samla for fylket.

- rettleiingstilbod - som vil verte organisert på regionalt nivå

- etablering av eit fagleg regionalt forum for dei tilsette i tenesta.

Regionrådet vil sjå det som interessant å verte orientert om utviklinga i tiltaket.

Regionrådet for Nordhordland og Gulen er kjent med at Hordaland fylkeskommune og Hordaland Olje- og Gassenter (HOG) vil vurdere ulike sider ved oljevern-beredskapen i Hordaland.

Regionrådet vil peike på det arbeidet som ved fleire høve har vore gjort lokalt for å få bygd ut beredskapen i Nordhordland. Rådet vil melde at ein ser sers positivt på initiativet frå fylkesnivået og at ein, om ønskjeleg, kan bistå i det vidare arbeidet med saka.

Regionrådet vil vise til at omlag halvparten av all godstonnasje til/frå landet vårt går over eit område avgrensa mellom Bergen og Solund. I tillegg har dette området ein stor trafikk som går nord-sør langs kysten.

Dei fleste større oljeulykker i kystområda i Noreg har skjedd på Vestlandet.

I tillegg medfører oljeaktiviteten i Nordsjøen ein monaleg ulykkesrisiko.

Eit større oljeutslepp kan føre til ein katastrofe for fisket, oppdrett og reiselivsnæringa - næringar som er sers viktige for Kyst-Noreg.

Det er allereie gjort ein god del på Vestlandet for å hindre og handtere ulykker, vi kan m.a. nemne Trafikksentralen på Fedje og etableringa av fleire oljeverndepot.

Likevel vil Regionrådet be om at oljevernet på Vestlandet vert vurdert på ny då ein m.a. er usikker på om organiseringa - her under ansvardelinga, ressursbruken og bemanninga er optimal i høve til dei oppgåvene oljevernet er sett til å løyse.

Regionrådet samtykker til at det vert sendt eit brev til Kommunal- og regionaldepartementet med framlegg om endringar i gjeldande forskrifter til plan- og bygningslova.

Regionrådet ser positivt på at det vert søkt om statlege midlar til ei nærare vurdering og eventuell utprøving av ein «felles tenestefunksjon».

Saka vart elles teke til orientering.

Saka vart utsett til neste møte.

Saka vart teke til orientering.

Sak 19/99 Meldingar og eventuelt.

Følgjande melding vart teke til orientering:

Skriv frå LO i Nordhordland om

1) Styrkja Oljevernet på Vestlandet

2) Ringveg i Nordhordland

3) Industriell utnytting av Gassressursane langs norskekysten.

Ole Lysø

formann

Eilif M.Berntsen

Møteboka vert sendt til:

Ordførarane

Rådmennene

Fylkesmannen

Hordaland fylkeskommune: fylkesrådmannen, -Avdeling for regional utvikling

Lokalavisene

NRK Hordaland

TV Hordaland