Regionrådet for Nordhordland og Gulen vart skipa i oktober 1987. Rådet har følgjande medlemskommunar: Austrheim, Fedje, Gulen, Lindås, Masfjorden, Meland og Radøy. Modalen og Osterøy er assosierte medlemer til rådet.

Regionrådet tok frå og med 1995 over funksjonane til Nordhordland Tiltakskontor. Noverande vedtekter for rådet vart samrøystes tilrådd i Regionrådet sitt møte 10.10.94 etter fleire høyringsrunder i kommunane.

Regionrådet består av ordførarane i medlemskommunane.

Formann, 1998: Ordførar Ole Lysø

Varaformann, 1998: Ordførar Ola Byrknes.

Under Regionrådet er det etablert eit næringsutval med særskilt ansvar for regionalt næringsretta arbeid.

Regionrådsformannen (Ole Lysø) er i samsvar med til statuttane formann i næringsutvalet. Øvrige medlemer valt av Regionrådet:

Kjell Løvik

Olav Steinar Namtvedt

Medlemer valt av Regionrådet etter tilråding frå organisasjonane:

frå arbeidstakarane:         frå arbeidsgjevarane:

Konrad Ulvatn                     Trond Helland

Torill A. Hjertås                 Arnt Brandtun

Kontoret er bemanna med 3 personar, dagleg leiar Eilif M. Berntsen, sekretær Bjørg Rydland og næringskonsulent Jostein Skråmestø.

Kontoret har hatt to prosjektstillingar:

Lillian Vabø Mongstad har vore prosjektleiar for tiltaket: «Næringsutvikling - mindre verksemder og etableringar, med vekt på kvinner».

- Tor Arne Lunde er m.a. prosjektleiar for "Prosjekt Mongstad" og prosjektet «Kompetanseheving innan fagområde tilpassa behovet for olje- gassrelatert prosessindustri».

I tillegg til ordinært tiltaksarbeid, rettleiing, kontaktformidling og arbeid med saker for Regionrådet, har kontoret vore sekretariat for:

Nordhordland Handverk- og Industrilag og ulike arbeidsutval og styringsgrupper.

Regionrådet har hatt 7 møte og 45 saker til handsaming i 1998.

Næringsutvalet har hatt 3 møte og løyvd kr. 110.000,- til ulike tiltak.

Førespurnader om hjelp frå etablerarar og bedrifter var mindre i 1998 samanlikna med året før, noko som har samanheng med avslutninga av midlane frå omstillingsløyvinga. Ein har gjeve rettleiing til 43 etablerte bedrifter (97) og 56 nyetablerarar (122). (Tal for 1997 i parantes). Fleire av desse har hatt kontakt med kontoret 2 - 3 ganger. Dei fleste ber om rettleiing ved oppstart av eiga verksemd. For eksisterande bedrifter vil det ofte vera spørsmål om hjelp til finansiering av investeringar.

I tillegg har prosjektleiar i prosjektet «Næringsutvikling -- -- med vekt på kvinner» (sjå omtale under) gjeve etablerarrettleiing til 18 kvinner samt at 5 kvinner har fått rettleiing vedkomande vidareutvikling av eksisterande verksemd.

Ein har og gjennomført oppfølgingsprogram for stipendmottakarar i regionen.

Omstillingsløyvinga.

Ordninga har først og fremst vore gjort gjeldande for åra 1995, -96 og -97.

Løyvinga skulle nyttast til å skape lønsame arbeidsplassar i kommunane Austrheim, Lindås, Meland og Radøy og verte brukt til bedriftsutviklingstiltak og utvikling av lokalt næringsmiljø.

I 1998 vart det løyvd kr. 689.000 frå omstillingsløyvinga til ulike tiltak og tilsaman har ein for åra 1995 til 1998 gjeve tilsegn om løyvingar på kr. 16.461.600,-.

Løyvinga har vore administrert av "Det utvida næringsutvalet" samansett av arbeidstakar/arbeidsgjevar representantane i næringsutvalet og ordførarane i dei fire omstillingskommunane.

På møtet i Det utvida næringsutvalet 2. november 1998 gjorde ein vedtak om å «oppløyse» utvalet i det ein vedtok å overlete forvaltninga av resten av midlane frå omstillingsløyvinga til det «ordinære» regionale næringsutvalet.

Heile ordninga vart, som vi og har nemnt ved tidlegare høve, evaluert etter knapt eit år (våren 1996) av Petter Løvik ved Høgskolen i Volda og i 1997/98 av Ole Fjøse Markedsanalyse.

Rapportar frå desse to vurderingane er trykte som eigne publikasjonar, og ein kan få dei ved å vende seg til Regionrådet.

Oppstarten av tiltaket vart gjennomført i 1997 med positiv tilbakemelding både frå næringslivet og frå publikum. Tiltaket vert kontinuerleg utvikla som eit forum for informasjon til publikum i vår eigen region og som eit hjelpemiddel for etablerarar og bedrifter.

Regionrådet har gode rutiner for oppdatering av sine heimesider. Ei prioritert målsetting for 1999 er å få etablert ei jevn oppdatering også av dei kommunale sidene på nettet. Medlemsliste for Nordhordland Handverk- og Industrilag ligg inne på våre heimesider, og dei bedrifter som har sine eigne heimesider er knytta opp med eiga lenke. Dei vert dermed marknadsført på ein god måte.

Det er løyvd i alt kr. 100.000,- til tre skuler i regionen til oppstart av elevbedrifter og til utvikling av undervisningsopplegg i "etablerarkunnskap/ arbeidsmarknadskunnskap".

Tilbakemelding frå desse skulane er positiv - særleg høg aktivitet har det vore på Lindås ungdomsskule som i 1998 hadde heile18 elevbedrifter i aktivitet.

Kort om det interne nærinsutviklingsarbeid elles:

Det har vidare vore arrangert to møte med Regionrådet og medlemer frå «styringsgruppa for strategisk næringsplan» kor tema har vore «Næringsutviklings- arbeid i regionen». Prosessansvarleg på møta har vore konsulentfirmaet INTERPRO. Med utgangspunkt i møta har konsulenten utarbeidd eit notat som m.a. har vore med å forme Regionrådet sin arbeidsplan for næringsretta aktivitet 1999.

4.1. Oppdrett av nye marine arter.

Tiltaket starta opp hausten 1997 og har i stor grad hatt fokus retta mot grunnlag og interesse for skjelldyrking i regionen. Ein har m.a. medverka til etablering av eit regionalt skjelldyrkarlag.

Det er løyvd midlar frå omstillingsløyvinga til desse to tiltaka som begge pågår og kor Reiselivslaget er prosjektansvarleg.

Prosjektet «Bli kjent i Nordhordland» har vorte ein del av eit større tiltak «Formidlingskompetanse i Hordaland» i fylket si reiselivsplan.

OPUS, Bergen er engasjert som konsulent/prosjektleiing i tiltaket.

Tiltaket har som siktemål å få til ein mest mogeleg einsarta og "pårekneleg" handsaming av plan- og byggesaker i kommunane i regionen - her under utarbeide ein felles mal for gebyrar, auke kompetansen knytta til praktiseringa av den nye bygningslova, utarbeide ein "felles rettleiar" for publikum og sakshandsamar og få vurdert - evnt. testa ut ein modell for "felles regional tenestefunksjon" (knytta til den meir tekniske/formelle sakshandsaminga av plan- og byggesaker og til kart - oppmåling - geodata). Tiltaket vert avslutta i 1999.

Nye tiltak i den strategiske næringsplanen:

Regionrådet for Nordhordland og Gulen har saman med Hordaland fylkeskommune, Høgskolen i Bergen og Universitetet i Bergen gjennomført eit forprosjekt med føremål å etablere studietilbod i Hordaland som skal gje «kompetanseheving og utdanning innan fagområde tilpassa behovet i olje- og gassrelatert prosessindustri».

Prosjektet har så langt ført til at Høgskolen i Bergen frå hausten 1999 vil tilby ei ny studieretning med hovedvekt på prosessteknikk.

Forprosjektet vert følgd opp med eit hovedprosjekt kor ein mellom anna skal vurdere etableringa av eit kompetansesenter i Nordhordland og sjå på kva rolle dei vidaregåande skulane og universitetet kan ha ved ei vidare utvikling av spesialisert utdanning i prosessfag i fylket.

Det har vore problem med å få finansiert prosjektet slik det vart presentert i første omgang - som eit tiltak kor ein særleg vektla å medverke til å styrkje den kvinnelege deltakinga i i styrande organ og i leiinga i næringslivet.

Prosjektet er no avgrensa og ein vil i større grad vektleggje etablerarrettleiing og opplæring samt kvinneretta tiltaksarbeid.

Prosjekt Mongstad, som starta opp våren 1995 av Mongstad Utviklingsselskap AS og Regionrådet for Nordhordland og Gulen, har hatt som føremål å bidra til utnytting av spillressursar (i form av damp, fyrgass og varmtvatn) ved raffineriet.

I tillegg til Statoil Mongstad har SIVA, SND og Nordhordland Kraftlag vore sentrale aktørar i ein seinare fase av prosjektet.

I løpet av 1998 vart det klårt at dei prosessanlegga som no skal byggjast på Mongstad, i samband med at kondensat vert ført inn til raffineriet frå Øygarden, fullt ut vil nytte den dampen og fyrgassen som tidlegare var tilgjengeleg for anna verksemd.

Prosjektet er avslutta med rapportering av tekniske og økonomiske føresetnader for ei eventuell vidareføring av tiltak på eit senere tidspunkt.

«Næringshage».

Regjeringa gav tidleg i 1998 signal om at ein vurderte å etablere 20-30 mindre næringsparker eller «næringshager» i Norge som eit tiltak i distriktspolitikken.

Regionrådet for Nordhordland og Gulen har i 1998 gjennomført ein utgreiing om tiltaket og vurdert hvilke initiativ som må komme fra lokalt næringsliv og vertskommune dersom det skal etablerast ein næringshage i Nordhordland.

Tiltaket vert ført vidare i 1999.

Det to-årige prosjektet vart avslutta ved utgangen av november 1998.

Lillian Vabø Mongstad overtok som prosjektleiar i 3/5-stilling frå 01.01.98 og har avslutta prosjektet med sluttrapport i november 98.

Dei viktigaste aktivitetane i 1998 har vore:

* Oppfylging av Etablerarforum for kvinner i Nordhordland (1998)

- Organisasjonsoppbygging og -utvikling

- Informasjonsformidling (både internt og eksternt)

- Medlemsmøter (9 møter i 1998)

* Rettleiing av etablerarar (1998)

- 18 kvinner har mottatt personleg etablerarrettleiing frå prosjektleiar

- 5 kvinner har hatt personleg rettleiing om vidareutvilking av eksisterande verksemd.

- Gjennomført oppfølgingsprogram for stipendmottakarar i regionen

* Kurs

- Kurs over 6 kveldar (30 t) i Sal og marknadsføring

* Nettverkskreditt (ei fylkeskommunal finansieringsordning for småetablerarar)

- Ei gruppe med 5 kvinner ønskjer å kome i gang i Nordhordland

* Kontakt og koordinering (med andre prosjekt, kommunalt apparat, fylkeskommunalt apparat osv)

Det vert elles vist til sluttrapporten som foreligg på Regionrådet sitt kontoret.

EOU er eit fylkesprosjekt som geografisk femnar om heile Hordaland. Prosjektet vert administrativt leia frå Distriktsaktiv Høgskule i Kvinnherad, der det er tilsett prosjektleiar i full stilling. Elles er det tilsett 7 regionale prosjektleiarar i delstillingar. I Nordhordland er Lillian Vabø Mongstad tilsett som regional prosjektleiar i 20 % stilling - ein funksjon som i hovedsak vert finansiert av Regionrådet.

Regional prosjektleiar har vore rundt i alle kommunane og orientert kommuneleiinga om prosjektet. Det er oppretta kontakt med skulekontora, og prosjektleiar har vore med på fleire rektormøte i kommunane for å orientera om prosjektet. Elles har prosjektleiar vitja fleire einskildskular som har hatt planar om eller som har komme igang med elevbedriftsmetoden i undervisninga.

Den viktigaste oppgåva for prosjektleiar er å motivera skuleleiinga og lærarpersonalet til å ta i bruk elevbedrift som undervisningsmetode. Dersom det er motvilje mot å dra igang elevbedrift, kan presentasjonen av andre aktuelle tilnærmingsformer som NHO si partnerskapsordning e.l., vera ein god innfallsvinkel for å få ei tilnærming mellom skule og næringsliv.

Det er stor skilnad mellom kommunane når det gjeld innføring av entreprenørskap i skulen. Til no er det Lindås og Fedje som har vore mest aktive, men Austrheim planlegg å starta elevbedrifter ved begge ungdomsskulane til hausten (1999), og prosjektleiar arbeider for tida med også å motivera dei gjenståande kommunane til å gå igang.

Skular som har eller har hatt elevbedrifter i inneverande skuleår (1998/99) er:

Lindås ungdomsskule 18 elevbedrifter

Knarvik ungdomsskule 2 elevbedrifter

Fedje skule 2 elevbedrifter

Lindås gymnas 1 elevbedrift

Myking skule 2 elevbedrifter

Tiltaket starta opp i desember 1996 og har gått ut året 1998. Prosjektet som har omfatta to regionar i Hordaland vil fortsetje i Nordhordland i to nye år (NELL 2) etter vedtak i fylkeskommunen og i Regionrådet.

Hovudmål for prosjektet er å utvikle regionale nettverk for samordning av vaksenopplæringa og sikre at bedrifter og privatpersoner får tilgang på den etter- og vidareutdanninga dei treng.

Prosjektet er stort sett sluttført men samlingane i leiarnettverket for Nordhordland held fram.

Konferansen vart halde 6. oktober på Nordhordland Folkehøgskule og samla

90 deltakarar.

Som ei oppfølging frå konferansen drøfta Regionrådet det lokale miljøarbeidet på sitt møte 4. desember 1998 og gjorde slikt vedtak:

Regionrådet arrangert i samarbeid med «Kulturdagane i Austrheim» ein konferanse

16. oktober om kultur og samfunnsutvikling kor ein sette fokus på «Levande bygder i Nordhordland». Konferansen samla i alt nær på 60 personar og ein var innom tema som fråflytting og korleis gjere lokalsamfunna attraktive som bustad- og arbeidsplassområde - her under kultur og identitet og lokal næringsutvikling.

Kurs i "salg og markedsbearbeiding".

Kurset vart gjennomført i perioden 24.08 - 26.10.98 med Personal Utvikling AS som kursarrangør. Kurset gjekk over 6 ettermiddagar/kveldar, og innhelt 30 timars undervising. Det var 14 påmelde deltakarar ved kursstart, 8 av desse fullførte kurset.

Nokre av kursdeltakarane har oppretthalde kontakten gjennom eit nettverk der dei samlast annakvar månad.

Styret i laget har hatt 9 møter i 1998 og handsama 62 saker. Det har vore to medlemsmøte i 1998.

Laget har følgjande utval som arbeider med næringsretta spørsmål: næringsutval, utdanningsutval og kommunikasjonsutval.

Den samla tilvekst i folketalet i regionen i 1998 var 0,5% mot 0,3% året før.

Tilveksten i Hordaland fylke var i 1998 0,7% mens det i Sogn og Fjordane var ein nedgang i folketalet på 0,1%.

Meland var den kommunen i regionen som hadde størst folketilvekst også i 1998 med 1,7%. Elles har det vore ei gledeleg snunad i folketalsutviklinga i Austrheim som i 1998 hadde ei mindre netto innflytting mot ei netto utflytting på heile 52 personar året før.

Endringane i folkemengda i 1998 er vist i påfølgjande tabell.