e. 06.10.04

REGIONRÅDET FOR NORDHORDLAND OG GULEN

Dato: 14. oktober 2003.

Møtestad: Alver Hotel

Tilstades: Ordførar Olav Steinar Namtvedt, ordførar Rolf Sandstad, ordførar Helge Haukeland, ordførar Solbjørg Åmdal Sandvik, ordførar Tove Brandvik, ordførar Erling Walderhaug, ordførar Trude Brosvik, rådmann Helge Thorsen, rådmann Henrik Flatøy rådmann Vidar Bråthen og rådmann Ingvard Haug. I tillegg møtte Odd Tøsdal, Lindås.

Frå administrasjonen møtte: Eilif M. Berntsen.

32/03 Regional utviklingsplan for Nordhordland og Gulen - plattform for planutkastet.

Utkastet vert teke til orientering. Regionrådet vil tilrå at UNG-prosjektet/ungdomsråda vert invitert til å ta del i det vidare arbeidet med planen.

33/03 Orientering om stoda ved Lyngheisenteret v/ Olav Steinar Namtvedt

Saka vert teke til orientering.

-Følgjande saker vert teke til orientering:

-Skriv frå LO vedr. vararepresentasjon til Fondstyret. Regionrådet samtykker til at LO sine vararepresentantar også vert varamedlemer til Næringsutvalet.

-Regionrådet ber om at følgjande saker vert førebudd til neste møte:

Regionrådet for Nordhordland og Gulen har ved ulike høve uttala seg om hamnespørsmål. I samband med planforslaget til NTP 2006 - 2015 uttalte Regionrådet m.a.:

Bergen og omland hamn må utpeikast som intermodal knutepunktshamn - ubunden av kva som skjer på Austlandet og Sør-Vestlandet. Vi vil i denne samanheng vise til dei store investeringar som ligg i hamneområda i Bergensdistriktet, noverande trafikkmengde og hamneanlegga si tilknyting til jernbane og flyplass i tillegg til dei generelle vanskane det er for transport på veg eller jernbane nord-sør på Vestlandet.

Regionrådet har i framlegget til fylkesdelplanen for hamnene i Hordaland festa seg særskilt med to forhold:

-I planframlegget heiter det at ein ønskjer å arbeide for ein heilskapleg hamnestruktur i fylket.

-I tilrådinga til utviklingsstrategi for hamnene - har ein sagt at trinn 2. i denne prosessen er å Utvida nettverket med private hamner.

Regionrådet er oppteken av at Bergen og omland hamn får ein status og ei utvikling som minst er på line med dei andre større sentralhamnene i landet.

Rådet vil peike på at Mongstad er den nest største oljehamna i Europa. I tillegg er det i dette området stor trafikk inn til oljebasen på Mongstad Sør. På andre sida av Fensfjorden, i Sløvåg, er det etablert eit større hamneanlegg med 6 kaier og om lag 250m kailengde. Regionrådet meiner at Fensfjordområdet i større grad må vurderast som ei samla eining både i plansamanheng og med omsyn til utviklingsstrategiar. Her må intensjonane om samarbeid over fylkesgrensene takast på alvor og Hordaland fylkeskommune bør nytte høvet til å medverke til utviklinga av eit spanande hamneområde.

Framlegg til budsjett for 2004 for Regionrådet for Nordhordland og Gulen vert godkjent slik det ligg føre.

Regionrådet gjev og administrasjonen høve til å nytte midlar frå eigenkapitalen til innkjøp av naudsynt datautstyr/telefoni til ei ramme på om lag 50.000,-.

Olav Steinar Namtvedt

Rådsleiar

 

Eilif M. Berntsen

Møteboka vert sendt til:

Ordførarane og rådmennene

Fylkesmannen

Hordaland fylkeskommune; Fylkesrådmannen – Arb.lag: Kommunalt samarbeid

Lokalavisene, BT, NRK Hordaland, TV Hordaland