§1

Deltakande kommunar

Regionrådet for Nordhordland og Gulen er eit samarbeidsorgan for kommunane
Austrheim, Fedje, Gulen, Lindås, Masfjorden, Meland og Radøy.

Det er høve for omegnskommunar å slutte seg til rådet som assosierte medlem.
Samarbeidet i Regionrådet skal skje etter retningslinene som er nemnd nedanfor.

§2

Organisasjon

Regionrådet består av ordførarane i medlemskommunane. Rådet vel sjølv leiar og nestleiar for 2 år. Det skal alltid haldast val ved inngangen av ny kommunestyreperiode.

Leiaren samankaller til møte når det er trong for det. Rådmennene i regionen skal innkallast til minst eitt rådsmøte i året, leiaren kan og innkalla andre til møter i rådet. Rådet kan oppretta serutval.

Føremål

Rådet skal arbeide med å få klarlagt og teke i bruk ressursar og føremoner i området og å vidareutvikle regionen næringsmessig, sosialt og kulturelt. Rådet skal arbeide med saker av felles interesse mellom kommunane og fremje regionen sine interesser overfor fylkes- og riksnivået og i internasjonal samanheng.

Regionrådet skal arbeida for å:

Regionrådet sitt ansvar for den
samla interkommunale aktiviteten.

Regionrådet har eit ansvar for å vurdere kommunane sine engasjement på det regionale plan, og bidra til ei effektiv og samordna leiing av interkommunale / regionale tiltak.

Såleis kan Regionrådet:

§5

Næringsutval

Regionrådet kan oppretta eit næringsutval med særskilt ansvar for det regionale næringsretta arbeidet.

Det vert tilrådd at næringsutvalet får slik samansetting:

3 medlemer frå Regionrådet
2 medlemer frå arbeidstakarane
2 medlemer frå arbeidsgjevarane.

Medlemene vert valt av Regionrådet for 2 år om gongen. Forslag til kandidater vert innhenta frå Nordhordland faglege Samorganisasjon og Nordhordland Handverk- og Industrilag.

Økonomi

Organisasjonen sin økonomi er i stor grad basert på tilskott frå medlemskommunar, fylkeskommune og stat.

Tilskotta frå kommunane vert utrekna i høve til innbyggjartalet i kvar kommune. Assosierte medlemer betaler tilskott etter avtale.

Regionrådet skal arbeide aktivt med å byggje opp eit lokalt næringsutviklingsfond. Regionrådet kan ikkje ta opp lån eller påføre medlemskommunane andre økonomiske plikter.

Regionrådet si interne verksemd

I tillegg til sine administrasjonsoppgåver vil Regionrådet i prinsippet kunne ta på seg alle regionale saker som ikkje er lagt til andre regionale organ - herunder felles høyringsuttaler, samferdslesaker, delegerte forvaltningssaker m .v.

Med omsyn til aktivitet som skjer i regi av rådet, og knytta til rådet sitt budsjett, ligg det til Regionrådet å:

Det vert elles ikkje fastsett regler for kva saker som skal handsamast av rådet.

Regionrådsmøtene vert leia av regionrådsleiaren, kopi av protokollar skal sendast medlemene, rådmennene, fylkeskommunen, fylkesmannen og pressa.

Rekneskap og årsmelding skal sendast medlemskommunane innan 30 april. Rekneskapen skal reviderast av den interkommunale distriktsrevisjon.

Vedtektsendringar

Endringar i desse vedtektene skal, etter handsaming i rådet, vedtakast av medlemskommunane.

Utmelding - Oppløysing

Utmeldinga av ein kommune skal skje med minst 1. års varsel. Oppseiingstida vil gå heile påfølgjande kalenderår og kommunane plikter å betale medlemstilskott i dette året.

Utmelding kan bringast inn for Kommunaldepartementet i samsvar med § 27.3 i kommunelova.

Framlegg til oppløysing kan setjast fram på første Regionrådsmøte i året og avgjerast av første Regionrådsmøte det påfølgjande år, etter handsaming i medlemskommunane.