På dagens pressekonferanse i Knarvik presenterte Regionrådet Nordhordland IKS ei utgreiing om kva føremoner Mongstad hamn har som ny storhamn for Bergensområdet.
Hamnerådgjevar, Arne Fuglum, orienterte og svara på spørsmål.
Utgreiinga kan lastast ned her.
Utgreiinga tar utgangspunkt i at Bergen hamn i lang tid har hatt status som ei av dei ti utpeika ”Nasjonale hamner”. Seinast i framlegget til Nasjonal transportplan for 2010-2019 (januar 2008) er hamna også utpeika som ei av fire hamner i landet med internasjonale oppgåver, - saman med Oslo, Kristiansand og Stavanger. Det er ein føresetnad i den nasjonale transportplanen at desse fire hamnene skal prioriterast både når det gjeld stamveg og andre relaterte verkemidlar.
På denne bakgrunn kan Regionrådet fastslå at Bergen hamn vil få eit influensområde langt utover det lokale- og regionale nærområdet. Dette vil på si side setja krav til tilgang på hamne- og næringsareal som Mongstad har ferdig regulert.
Saman med utflytta gods frå Bergen Indre hamn vil Mongstad sine eigenproduserte godsmengder tilfredsstille krava som staten stiller til hyppige anløp av godsfartøy i nasjonal og internasjonal trafikk. I ei rolle som omlastningshamn for internasjonalt transittgods frå skip til skip, har Mongstad rikelig med mellomlagringsareal, og hamneområda ligg godt skjerma og i god avstand fra bustadområder.
Regionrådet meiner at ei ”Bergen Havn”, der passasjer- og cruisetrafikk framleis nyttar Bergen Indre hamn, saman med ei miljømessig gunstig lokalisert godshamn på Mongstad, vil utgjera ei fremtidsretta, god nasjonal samfunnsmessig havneeining for landsdelen.
Kontaktpersoner:
Ordførar Astrid Aarhus Byrknes, Lindås kommune, mobil 913 80 688
Ordførar Ole Lysø, Austrheim kommune, mobil 997 17 171
Styreleiar Håkon Matre, Regionrådet Nordhordland IKS, mobil 414 66 469
