L7 –Level seven

Har du nokon gong mista viktige filar frå datamaskina fordi dei ikkje var sikra godt nok? Då er du nok ikkje aleine, og det er også utangspunktet for Gründaren Kai-Robin Kleppe som har starta månadens bedrift – L7.no.

Kan du fortelje kort om bedrifta di?

I korte trekk kan ein sei at me leverer back-up og langtidslagring av filar for heimebrukarar.  Akkurat no jobbar me også med ein del ulike løysingar og produkt, men som er på planleggingsstadiet endå.

Kva er forretningsideen din?

Min forretningsidé er å kunne tilby ei anna type teneste som skal vere veldig enkel for brukaren å nytte, og som ikkje krev nokre datakunnskapar. Dette gjer eg til ein fornuftig pris, som er tilgjengeleg for alle.

• Kvifor starta du eiga verksemd?

Det var rett og slett fordi det er ikkje fantes nokre slike tenester til privatpersonar, anten var dei for dyre, eller så hadde dei krav til gode forkunnskapar i bruk av datamaskin.

• Korleis har Region Nordhordland hjelpt deg?

Dei har blant anna hjelpt meg ved å halde eit etablerarkurs. På den måten fekk eg vite meir om kva eg måtte gjer for å få ballen til å rulle, og gå frå idé til bedrift.   Samtidig fekk eg ei innsikt i kva som er viktig for å legge eit godt grunnlag for vidare drift. Det var noko som igjen gav meg tryggleik til å satse vidare.

• Kva er du mest stolt av?

Eg er mest stolt av kva eg har fått til, og at eg har gitt meg muligheita til å realisere ein draum.

• Kven ser du opp til?

Menneske som har klart å utrette mykje meir enn dei sjølv anar, for etterkommarane

• Kva er drivkrafta, og kva for nokre framtidsplanar har du?

Når ein har nådd dei delmåla som ein har sett seg, så blir ein berre meir oppspilt på å nå hovudmålet. Så klatrar ein høgare og høgare på stigen, det er motiverande. Denne bedrifta er eit teikn på at det er mogleg.

• Har du nokre fortrinn framfor konkurrentane?

Det er berre meg her i bedrifta endå, så selskapet kan endre ting raskt og effektivt utan at det er mange ledd som er involvert. I tillegg kan eg gje support etter kontortid, og eg har muligheit til å ta meg tid til kundane via fjernstyring eller via telefonsupport.

• Kan du gje tre råd til dei som ønskjer å starte eiga verksemd?

1. Gløym aldri draumen din,

2. Ha tro på det du gjer…

3. Ha ein klar forretningsidé, stå ved det du avgjer deg for, og det er lov å ta eit steg tilbake..

Som ei forsetjing av den flotte Nordhordland-filmen “From Nordhordland with love“, har region Nordhordland no laga eit flott og informativt magasin om regionen. Dette magasinet er eit tverrsnitt av regionen, som syner spennande industri, kultur, natur og menneske. Her kan du lese om karbonfangst på Mongstad, kvardagen til den spenstige bonden Gro Dalland Dale, Utkantafestivalen, Havsportveka og mykje meir. På midtsida finn du karikatur av Nordhordland saman med litt informasjon om  alle kommunane i regionen.

Magasinet vart sendt med Bergens Tidende 17. april 2012. I tillegg vil magasinet bli distribuert ut til alle kommunane.

Rune Heradstveit tilsett som ny dagleg leiar for REGION NORDHORDLAND – Nordhordland Utviklingsselskap IKS.

Styret i utviklingsselskapet har tilsett Rune Heradstveit (46) som ny dagleg leiar for Nordhordland Utviklingsselskap IKS. Han overtar dermed stillinga etter Elin F. Styve, som gjekk over til ein stilling som informasjonsdirektør ved Høgskulen i Bergen.

Heradstveit kjem frå ein stilling som spesialrådgjevar i Beerenberg Corp. AS og har blant anna tidlegare hatt stillinga som fylkesberedskapssjef hjå Fylkesmannen i Hordaland. Heradstveit har bustad på Valestrandsfossen i Osterøy kommune.

Det var 15 søkjarar til denne stillinga og styret er svært nøgd med kvaliteten på søkjarlista. Styret er samstemd i at det er den riktige kandidat som nå går inn i stillinga. Han vil vere ein god person til å fylgje opp og koordinere dei bestillingane som Regionrådet har i dette interkommunale samarbeidet.

Heradstveit tiltrer i stillinga 27. mars.

Nordhordland Utviklingsselskap IKS (NUI) er eit samarbeidsorgan i Nordhordlandsregionen for kommunane Austrheim, Fedje, Gulen, Lindås, Masfjorden, Meland, Modalen, Osterøy og Radøy. Selskapet skal vidareutvikle regionen næringsmessig, sosialt og kulturelt. NUI arbeider med saker av felles interesse mellom kommunane, skal fremje regionen sine interesser og profilere regionen nasjonalt og internasjonalt.

Kontaktperson: Styreleiar Øistein Søvik (mobil 94861333)

Målgruppe: Personar som har planar om å (eller nyleg har) starta næringsverksemd i regionen. Kurset er eit grunnkurs (12 timar) med 3 samlingar. Målet er at kvar deltakar skal ha eit grunnlag for å kunne utforme sin eigen forretningsplan ved avslutning av kurset. Ein må vera innstilt på noko heimearbeid mellom samlingane.

Våren 2012 vert det arrangert grunnkurs med start 18. april.

Med atterhald om endringer som kan skje, vil kursa vere sett opp med følgande innhald:

Første kurssamling, 18. april Tema: Kartlegging av forretningsidé
Vi går gjennom litt om personleg planlegging, oppbygging av ein forretningsplan, samt kartlegging av forretningsidé og marknad.

Andre kurssamling, 25. april Tema: Økonomi
På denne samlinga får vi besøk av ein rekneskapsførar som går gjennom dei viktigaste emna knytt til rekneskap og økonomi i eigen verksemd. Prissetting og val av selskapsform vert også tema her.

Tredje kurssamling, 2. mai Tema: Realisering
Vi tek opp marknadsføring, kundehandsaming og sal. Nettverksbygging og vegen vidare for forretningsidéen.

Kvar samling er frå kl. 16.30 – 20.30.

Praktisk informasjon
Kostnad:
Kr. 800,- pr. deltakar totalt for heile kurset. Dette inkluderar også kursmateriell

Kursstad:
Kurset vert på Region Nordhordland sitt kontor i Knarvik. Kvassnesvegen 23.
3. etasje i bygget der også Rema 1000 og Fagmøbler held til.

Arrangør:
Region Nordhordland saman med Hordaland Fylkeskommune og Innovasjon Norge

INTERESSERT?
Meld gjerne di interesse allereie no! Påmelding før 16. april.
Send litt informasjon om deg og din forretningside til
Region Nordhordland v/ Kari Evensen Natland,
bruk helst e-post: kari@nordhordland.net
eller postadr. Nordhordland Utviklingsselskap IKS, Postboks 13, 5902 ISDALSTØ

Hvis du vil ha meir informasjon kan du ringe Kari på tlf. 56 37 58 88.

VEL MØTT TIL ETABLERARKURS

Tema er  Region Nordhordland, i går – i dag – i morgon

Program:

•Innleiing ved Ole Berrefjord (partner hjå Berrefjord og Thomassen AS): Kva skjer hos oss og rundt oss, korleis skal vi innrette oss i åra framover?

•Introduksjon til gruppearbeid, leia av Berrefjord

•Diskusjon i plenum: Kva vert dei viktigaste sakene for det interkommunale samarbeidet?

•Helsehus i Nordhordland. Informasjon om prosjektet så langt

Invitasjonane er sendt ut og vi ser fram til eit viktig og nyttig

Nordhordlandsting  27. mars.

Mars 2012:

Heilt originalt! er berre heilt genialt!

Med stor glede over å kunne nytte alt, gjer Elisabeth Tonheim gamalt skrot om til vakker kunst og røffe bruksting. Kvart produkt er unikt og vert laga med kreativitet, kjærleik og omtanke. Verksemda vert styrt frå det gamle Sanitetshuset på Lindås, heimen til Elisabeth. Verkstaden er i Stabburet, men når ho arbeidar med store ting, flytter verkstaden like greitt inn i stova!

Fortel om forretningsideen din, kva er det du tilbyr?

Heilt originalt! handlar om å lage gull av gråstein. Det vil seie at produkta lagast av gamle delar frå alt mogeleg; gamle dører, vindauge, fjøler frå fjøra, rustne spikar, kjetting, piggtråd, utgåtte og øydelagde handreiskap frå gardsdrift, omnsdelar og elles alt som vi reknar frå skrot, skrap og utgått på dato. Gjennom å bruke kreativitet og fantasi bles eg nytt liv i desse tinga, og dei gjenoppstår som kunstverk kor delane vert brukte på ein heilt anna måte enn dei opphavleg var tenkt til. Produkta til Heilt originalt! kan eksempelvis vere konkrete kunstnariske produkt til heimane våre, det kan vere å dekorere eit lokale for eit bestemt arrangement eller på fast basis, det kan vere å lage noko av ein gamal og kjær gjenstand kundane sjølv kjem med, eller lage noko unikt på bestilling etter bestemte mål. Såleis handlar Heilt originalt! òg om å ta vare på og presentere historie og kultur på ein kreativ måte.

Det er denne tanken som ligg bak produksjon og sal av plukkfiskekaker òg. Dette er ein gamal vestnorsk mattradisjon som er på veg ut av menyane til folk. Så langt eg veit er det berre Heilt originalt! som driv med denne produksjonen her i landet.

Kvifor starta du eiga verksemd?

Verksemda starta eg etter mange år med ynskje om å bruke kreativiteten min til noko. Samstundes er eg glad i å bruke hendene til å skape noko, og eg har ei uforklarleg tiltrekking til det det gamle og røffe. I tillegg var eg der i livet at eg måtte erkjenne at den einaste måten å overleve på var å hoppe av stresskarusellen.

Korleis har Region Nordhordland hjulpet deg?

Region Nordhordland sitt etablerarkurs opplevde eg som veldig nyttig for meg som var i startgropa. Eg tykkjer vidare at dei alltid har vore parat til å gje tips og råd, samt arrangerer nyttige seminar og kurs. I tillegg er eg så heldig at eg er med i ei av nettverksgruppene av etablerarar i regionen, noko som har vore veldig godt for meg som driv åleine.

Kva er du mest stolt av?

Eg er mest stolt av at dei produkta eg lagar med bakgrunn i mi begeistring, begeistrar og sjokkerar så mange andre òg. Det er fascinerande å sjå korleis dei ulike produkta nærast snakkar til folk som kjem innom. Eg trur det har med assosiasjonar å gjere. Folk kjenner igjen og har minner om dei ulike delane eg brukar i produkta, og det får fram følelsar og bilete frå tidlegare i livet. Samstundes er produkta estetiske komposisjonar, som òg begeistrar dei som ikkje har minner til delane.

Kva er drivkrafta, og kva for nokre framtidsplaner har du?

Den viktigaste drivkrafta er begeistring. Det er først og fremst mi begeistring for det eg driv med, men like mykje andre si begeistring i møte med produkta mine. Ropeteiknet i namnet Heilt originalt! symboliserer nettopp denne viktige drivkrafta.

Eg har mange tankar om framtida, men det er for tidleg å presentere dei her. Det eg likevel kan sei er at eg i desse dagar jobbar med å evaluere det første året, og ut frå desse erfaringane vil stake ut vegen vidare. Eitt av satsingsområda kjem til å vere plukkfiskekakene.

Kva vil du sei er fortrinna dine?

Fortrinnet Heilt originalt! har framfor eventuelle konkurrentar, er at produkta er heilt originale. For det første brukast det gamle materialar, for det andre er det handlaga og for det tredje er det berre éin av kvar. I tillegg kan kunden bestille sitt unike produkt, ut frå dei mål som passar for vedkommande.  Dessutan er kvart einaste produkt ein prosess av stubulering og kreative innfall, og deretter laga med kjærleik og omtanke.

Kan du dele tre råd med dei som ønskjer å starte verksemd?

1. Gå etablerarkurs og gjer deg nytte av dei gode råda og kontaktane du får der

2. Ikkje ver redd for å spørje når du lurar på noko, det er mange som er glad for å hjelpe. Det er veldig nyttig å ha ein sparringspartnar å diskutere idéar med dersom du er åleine i verksemda

3. Hold ut! Roma vart ikkje bygd på ein dag, og det gjer truleg inga verksemd heller!

Status pr. 1. januar 2012:
Det lokale næringsfondet *)              kr. 706 198
Det regionale næringsfondet             kr. 673 141

Fondstyret
Det er satt ned eit fondstyre som forvaltar næringsfondet. Medlem i dette styret er ordførarane Håkon Matre, Ole Lysø og Trude Brosvik, og dagleg leiar i Nordhordland Handverk og Industrilag, Svein Nordvik.

Retningsliner:
Fondstyret følgjer retningslinene som Hordaland Fylkeskommune har satt for bruk av regionale midlar. Fondstyret har presisert at vårt lokale fond skal “nyttast til regionale utviklingstiltak, her under felles bedriftutviklingstiltak. Det er også ein lokal grunnregel om at ein ikkje støttar opp om regelmessige tiltak (med unnatak av dei lovpålagde prosjekta som etablerarhjelp etc). Dette på bakgrunn av at næringsfondmidlane er tenkt brukt til stimulering av nye tiltak og bør prinsipielt ikkje nyttast til å støtte solide arrangement som er i drift.”

Her er eit utdrag av dei viktigaste retningslinene til Hfk, vedtatt i fylkesutvalet.
• Regionale næringsfond bør prioritere tiltak som gjev nytte for fleire enn ein kommune.
• Det kan gjevast støtte til infrastrukturtiltak, tilrettelegging for næringsutvikling og bedriftsstøtte.
• Midlane kan ikkje nyttast til direkte investeringar i eigenkapital i verksemder.
• Kvinner, unge og innvandrarar er prioriterte målgrupper, og det er spesielt fokus på å auke kvinneandelen blant nye etablerarar til minst 40 %.

*) Det lokale næringsfondet får ikkje nye midlar. Fondstyret har bestemt at frå dette fondet kan det delast ut midlar inntil kr 200 000 pr. år. Elles same reglar som for det regionale fondet.

Søknadsfrist:
Det er 2 søknadsfrister kvart år: 15. mars og 15. oktober.

Heilt originalt! er berre heilt genialt!

Med stor glede over å kunne nytte alt, gjer Elisabeth Tonheim gamalt skrot om til vakker kunst og røffe bruksting. Kvart produkt er unikt og vert laga med kreativitet, kjærleik og omtanke. Verksemda vert styrt frå det gamle Sanitetshuset på Lindås, heimen til Elisabeth. Verkstaden er i Stabburet, men når ho arbeidar med store ting, flytter verkstaden like greitt inn i stova!

Fortel om forretningsideen din, kva er det du tilbyr?

Heilt originalt! handlar om å lage gull av gråstein. Det vil seie at produkta lagast av gamle delar frå alt mogeleg; gamle dører, vindauge, fjøler frå fjøra, rustne spikar, kjetting, piggtråd, utgåtte og øydelagde handreiskap frå gardsdrift, omnsdelar og elles alt som vi reknar frå skrot, skrap og utgått på dato. Gjennom å bruke kreativitet og fantasi bles eg nytt liv i desse tinga, og dei gjenoppstår som kunstverk kor delane vert brukte på ein heilt anna måte enn dei opphavleg var tenkt til. Produkta til Heilt originalt! kan eksempelvis vere konkrete kunstnariske produkt til heimane våre, det kan vere å dekorere eit lokale for eit bestemt arrangement eller på fast basis, det kan vere å lage noko av ein gamal og kjær gjenstand kundane sjølv kjem med, eller lage noko unikt på bestilling etter bestemte mål. Såleis handlar Heilt originalt! òg om å ta vare på og presentere historie og kultur på ein kreativ måte.

Det er denne tanken som ligg bak produksjon og sal av plukkfiskekaker òg. Dette er ein gamal vestnorsk mattradisjon som er på veg ut av menyane til folk. Så langt eg veit er det berre Heilt originalt! som driv med denne produksjonen her i landet.

Kvifor starta du eiga verksemd?

Verksemda starta eg etter mange år med ynskje om å bruke kreativiteten min til noko. Samstundes er eg glad i å bruke hendene til å skape noko, og eg har ei uforklarleg tiltrekking til det det gamle og røffe. I tillegg var eg der i livet at eg måtte erkjenne at den einaste måten å overleve på var å hoppe av stresskarusellen.

Korleis har Region Nordhordland hjulpet deg?

Region Nordhordland sitt etablerarkurs opplevde eg som veldig nyttig for meg som var i startgropa. Eg tykkjer vidare at dei alltid har vore parat til å gje tips og råd, samt arrangerer nyttige seminar og kurs. I tillegg er eg så heldig at eg er med i ei av nettverksgruppene av etablerarar i regionen, noko som har vore veldig godt for meg som driv åleine.

Kva er du mest stolt av?

Eg er mest stolt av at dei produkta eg lagar med bakgrunn i mi begeistring, begeistrar og sjokkerar så mange andre òg. Det er fascinerande å sjå korleis dei ulike produkta nærast snakkar til folk som kjem innom. Eg trur det har med assosiasjonar å gjere. Folk kjenner igjen og har minner om dei ulike delane eg brukar i produkta, og det får fram følelsar og bilete frå tidlegare i livet. Samstundes er produkta estetiske komposisjonar, som òg begeistrar dei som ikkje har minner til delane.

Kva er drivkrafta, og kva for nokre framtidsplaner har du?

Den viktigaste drivkrafta er begeistring. Det er først og fremst mi begeistring for det eg driv med, men like mykje andre si begeistring i møte med produkta mine. Ropeteiknet i namnet Heilt originalt! symboliserer nettopp denne viktige drivkrafta.

Eg har mange tankar om framtida, men det er for tidleg å presentere dei her. Det eg likevel kan sei er at eg i desse dagar jobbar med å evaluere det første året, og ut frå desse erfaringane vil stake ut vegen vidare. Eitt av satsingsområda kjem til å vere plukkfiskekakene.

Kva vil du sei er fortrinna dine?

Fortrinnet Heilt originalt! har framfor eventuelle konkurrentar, er at produkta er heilt originale. For det første brukast det gamle materialar, for det andre er det handlaga og for det tredje er det berre éin av kvar. I tillegg kan kunden bestille sitt unike produkt, ut frå dei mål som passar for vedkommande.  Dessutan er kvart einaste produkt ein prosess av stubulering og kreative innfall, og deretter laga med kjærleik og omtanke.

Kan du dele tre råd med dei som ønskjer å starte verksemd?

1. Gå etablerarkurs og gjer deg nytte av dei gode råda og kontaktane du får der

2. Ikkje ver redd for å spørje når du lurar på noko, det er mange som er glad for å hjelpe. Det er veldig nyttig å ha ein sparringspartnar å diskutere idéar med dersom du er åleine i verksemda

3. Hold ut! Roma vart ikkje bygd på ein dag, og det gjer truleg inga verksemd heller!