Ny Nettside for Smak av Nordhordland!
I dag, 23. mars, vart den nye nettsida til Smak av Nordhordland lansert. No kan du mellom anna finne ei oversikt over dei lokale matprodusentane og kvar dei serverar mat med lokale råvarar.
I Nordhordland har vi alt som skal til for å kunne skape framtidig livskraftig næring av lokalmat. Vi har historia om landskapet, gardane, havet, menneska, råvarene, oppskriftene, tradisjonane og den handlingsborne kunnskapen. Prosjektet 'Smak av Nordhordland' har dei seinaste åra sett fokus på å samle, skape synergiar og verdiskaping mellom aktørar og bedrifter som forvaltar, produserer, leverer og sel lokalmat i sitt daglege virke.
No er aktørane og informasjon om arbeidet samla på ei nettside. I løpet av året er planen å utvide innhaldet med ulike menyar og oppskrifter.
Foto: Tobby Sander Tomassen
